बातमीपत्र

इ चलनाबाबत शासनाच्या फसव्या आश्वासनामुळे वाहतूकदारांचा उद्रेक, कोल्हापुरातील आरटीओ कार्यालयात घुसवल्या ५० पेक्षा अधिक खाजगी आराम बसेस.
बेकायदेशीर गर्भलिंग चाचणी आणि गर्भपात करणाऱ्या एसपी गँगवर राज्यातील पहिलीच मोका कारवाई, स्वप्निल पाटीलसह ११ जणांवर आवळला कायद्याचा फास.
गोकुळ दूध संघाच्या प्रारूप मतदारयादीतील ४९४ दूध संस्थांच्या हरकतींवर सुनावणी, प्राथमिक दूध संस्थेच्या कार्यक्षेत्राबाहेरील ठरावधारकांविरोधात जोरदार युक्तीवाद.
सीपीआरमध्ये जन्म-मृत्यूचे दाखले मिळवण्यासाठी करावी लागते तीन महिन्यांची प्रतीक्षा, नागरिक वैतागले.
टक्केवारी आणि प्रशासकीय अनास्थेमुळे पंचगंगा नदी प्रदूषण नियंत्रण प्रकल्प रखडले, माजी खासदार राजू शेट्टी यांचा घणाघात, पर्यावरण मंत्री पंकजा मुंडे पुढील १५ दिवसांत करणार प्रत्यक्ष पाहणी.
स्थानिक विकास निधीतून उचगावमध्ये विविध विकासकामांचा शुभारंभ, उचगावच्या सर्वांगीण विकासासाठी १ कोटी रुपयांचा निधी देणार, खासदार धनंजय महाडिक यांची ग्वाही.
कोल्हापूर शहरातील रस्त्यांच्या दुरावस्थेबाबत आयुक्तांनी माफी मागावी आणि शहर अभियंत्यांनी राजीनामा द्यावा, ठाकरे गट शिवसेनेचे उपनेते संजय पवार यांची मागणी.
राज्यात पुढील दोन दिवस मध्यम ते मुसळधार पावसाची शक्यता, गेल्या २४ तासात जिल्ह्यात सरासरी ४.२७ मिलिमीटर पावसाची नोंद, पंचगंगा नदीची पाणी पातळी १८ फुटावर.
अलमट्टीसह कोल्हापूर जिल्ह्यातील १० धरणात शंभर टक्के पाणीसाठा, शेती आणि पिण्याच्या पाण्याची काळजी मिटली.
चंदगड तालुक्यातील हेरे गावात उभारणार हेलिपॅड, हेरे गावाच्या विकासाला टेकऑफ मिळण्याची आशा.
देशाच्या अर्थव्यवस्थेच्या विकासात महिला उद्योजकांचा वाढता सहभाग, केंद्रीय जीएसटी आयुक्त सुमितकुमार यादव यांचे मत, कोल्हापूर चेंबर ऑफ कॉमर्सच्यावतीने महिला उद्योजक मेळावा संपन्न.
गणेशोत्सवाच्या पार्श्वभूमीवर विसर्जन मिरवणूक मार्गावरील कामे त्वरित पूर्ण करावीत, महापालिका आयुक्त डॉ. राजेंद्र भारुड यांचे निर्देश.