🔥 पत्रकारांवर थेट हल्ला! लोकशाहीवर घाला – शिवणे खुर्द येथे पत्रकार सिद्धेश मराठे यांच्यावर जीवघेणा हल्ला 🔥 पत्रकार संघटना भूमिका काय??

द्वारा पोस्ट केलेले MANGOCITY FRESH NEWS डिसेंबर २६, २०२५

🔥 पत्रकारांवर थेट हल्ला! लोकशाहीवर घाला – शिवणे खुर्द येथे पत्रकार सिद्धेश मराठे यांच्यावर जीवघेणा हल्ला 🔥 पत्रकार संघटना भूमिका काय??

◾ दैनिक फ्रेश न्युज ◾

🔥 पत्रकारांवर थेट हल्ला! लोकशाहीवर घाला – शिवणे खुर्द येथे पत्रकार सिद्धेश मराठे यांच्यावर जीवघेणा हल्ला 🔥

🕢 अंधाराचा फायदा घेत ५–६ हल्लेखोरांनी केला नियोजित हल्ला
🚗 पांढरी कार व थार गाडीचा वापर – पूर्वनियोजित कटाचा संशय

रत्नागिरी प्रतिनिधी :
राजापूर तालुक्यातील शिवणे खुर्द गावात पत्रकारितेच्या आवाजावर घाला घालणारी धक्कादायक घटना घडली आहे. पत्रकार, शेतकरी व काँग्रेस कार्यकर्ते सिद्धेश मराठे यांच्यावर अज्ञात हल्लेखोरांनी निर्घृण हल्ला केला. गुरुवारी २५ डिसेंबर रोजी सायंकाळी ७:३० वाजता, अंधाराचा गैरफायदा घेत ही घटना घडली असून त्यामुळे संपूर्ण तालुक्यात संतापाची लाट उसळली आहे.

सिद्धेश मराठे सायंकाळी गावात गेले होते. घरी परतत असताना भट वाडी स्टॉप येथे त्यांच्या पाठीमागे पांढऱ्या रंगाची कार आणि थार गाडी संशयास्पदरीत्या पाठलाग करत असल्याचे आढळून आले. काही क्षणांतच मास्क घातलेले ३ ते ४ इसम अचानक समोर आले. त्यांनी मराठे यांच्या ॲक्टिव्हा वाहनाची चावी जबरदस्तीने हिसकावून घेतली आणि त्यांच्यावर बेदम मारहाण सुरू केली.

संपूर्ण परिसरात अंधार असल्याने हल्लेखोरांनी याचाच फायदा घेत फटके मारून चावी दूर फेकली व देवाचे गोठणेच्या दिशेने पळ काढला. गंभीर जखमी अवस्थेतही सिद्धेश मराठे कसेबसे आपल्या घरी पोहोचले.

घटनेची माहिती मिळताच राजापूर पोलीस निरीक्षक श्री. यादव यांनी रात्रीच घटनास्थळी भेट दिली. यावेळी गावचे पोलीस पाटील व तंटामुक्त समितीचे अध्यक्ष उपस्थित होते. मराठे यांनी दिलेल्या फिर्यादीनुसार राजापूर पोलीस ठाण्यात गुन्हा दाखल करण्यात आला आहे.

🛑 पत्रकारावर हल्ला म्हणजे लोकशाहीवर हल्ला!
राजापूर नगर परिषद निवडणुकीच्या पार्श्वभूमीवर राजकीय वातावरण तापलेले असताना ही घटना घडल्याने हा हल्ला अपघाती नसून सुनियोजित असल्याचा संशय व्यक्त केला जात आहे. सत्य मांडणाऱ्या पत्रकाराचा आवाज दाबण्याचा हा प्रयत्न असल्याचे बोलले जात आहे.

या घटनेचा तीव्र शब्दांत निषेध व्यक्त करत सर्व सामाजिक कार्यकर्ते, पत्रकार संघटना व नागरिकांकडून
👉 “हल्लेखोरांना तात्काळ अटक करा”
👉 “पत्रकारांना संरक्षण द्या”
👉 “कट रचणाऱ्यांचा पर्दाफाश करा”
अशी ठाम मागणी होत आहे.

📢 दैनिक फ्रेश न्युजचा इशारा :
पत्रकारांवरील हल्ले सहन केले जाणार नाहीत. सत्याची लेखणी कुणाच्या दहशतीपुढे झुकणार नाही!

🔗 https://whatsapp.com/channel/0029VaAMHiXEQIatCgImgp39

दैनिक फ्रेश न्यूज
Regi. No. MAHMAR/2011/39536
Owner: Prajakta Pravin Kine
📞 Contact: +91 8459886437