ट्रॅक्टर सोडण्यासाठी लाच मागणे वनपालाला भोवले. लाचलुचपत विभागाच्या सापळ्यात अडकला.

ट्रॅक्टर सोडण्यासाठी लाच मागणे वनपालाला भोवले. लाचलुचपत विभागाच्या सापळ्यात रंगेहाथ अडकला.

By दिपक चुनारकर -Feb 10/2025

गडचिरोली (welgur)

माती वाहतूक करणारे ट्रॅक्टर सोडून देण्यासाठी लाचेची मागणी करणारा वन विकास महामंडळ मध्ये कार्यरत वनपाल लाचलुचपत विभाग गडचिरोली च्या सापळ्यात अडकला आहे.ही कारवाई शनिवारी दुपारी प्राणहिता वन प्रकल्प विभागाच्या आल्लापल्ली येथील कार्यालयात करण्यात आली असून लाचखोर वनपाला चे नाव मारोती गायकवाड असे आहे.

अँटी करप्शन ब्युरोच्या अधिकाऱ्यांनी दिलेल्या माहितीनुसार वनविकास महामंडळ प्रकल्प आलापल्लीतील आलापल्ली वनपरिक्षेत्रात समाविष्ट आपापल्ली उपक्षेत्रातील तानबोडी बिटातून फिर्यादी घरकुल बांधकाम करण्यासाठी माती वाहतूक करत होता. ६ फेब्रुवारी रोजी एफडीसीएमच्या आलापल्ली कार्यालयातील वनपाल मारोती गायकवाड आणि वन मजुरांनी सदर ट्रॅक्टर पकडून दुसऱ्या दिवशी तडजोडीसाठी कार्यालयात बोलाविले. मारोती गायकवाड यांनी फिर्यादीला तब्बल १ लाख १० हजारांची मागणी केली. तडजोडीअंती १ लाख देण्याचे ठरले. १७ हजार दंड ठोठावून त्यांनी ८३ हजार परस्पर स्वीकारले. मात्र, फिर्यादीला लाच देण्याची मुळीच इच्छा नसल्याने त्याने एसीबीच्या पथकाकडे याची आधीच तक्रार केली होती. एसीबीच्या पथकाने शनिवारी दुपारच्या सुमारास मारोती गायकवाड यांना लाच स्वीकारताना आलापल्ली वनपरिक्षेत्र कार्यालयात रंगेहात पकडून ताब्यात घेतले.

ही कारवाई गडचिरोली अँटी करप्शन ब्युरोचे डीवायएसपी चंद्रशेखर ढोले, पोलीस निरीक्षक शिवाजी राठोड, पोलीस निरीक्षक संतोष पाटील, एएसआय सुनील पेद्दीवार, हवालदार किशोर जंजाडकर, हवालदार शंकर डांगे, पोलीस अंमलदार संदीप उडाण, संदीप घोडमारे यांनी केली असून अहेरी पोलीस स्टेशन येथे गुन्हा दाखल करण्याची प्रक्रिया सुरू आहे.