राज्यावर नवं संकट; 'म्युकर'वरील इंजेक्शन अपुरी

 

राज्यावर नवं संकट; 'म्युकर'वरील इंजेक्शन अपुरी

 मुंबई:-करोना संसर्गानंतर पालिका रुग्णालयात म्युकरमायकोसिस आजारावर ३३० जणांवर उपचार सुरू आहेत. एफडीएकडून वितरीत झालेली औषधे गरजेनुसार रुग्णांना दिली जातात. सर्वच रुग्णांवर शस्त्रक्रिया करण्याची वेळ येत नाही. त्यामुळे एम्फोटेरिन बी या इंजेक्शनची सर्व रुग्णांना गरज नाही. असे असले तरीही ५० टक्के रुग्णांवर शस्त्रक्रिया करण्यात आल्या आहेत. ३३० रुग्णांसाठी २ दिवसांमध्ये ३,३१० इंजेक्शनची उपलब्धता करण्यात आली आहे. यात टप्प्याटप्याने वाढ करण्यात येईल. मात्र सध्या ही इंजेक्शन पुरेशा प्रमाणामध्ये उपलब्ध नसल्याचे पालिकेचे वरिष्ठ वैद्यकीय अधिकारी डॉ. समीर भार्गव यांनी सांगितल.रुग्णालयांनी अर्जावर नमूद केल्यानुसार इंजेक्शनची उपलब्धता करून दिली जाते. मात्र ती पुरेशा प्रमाणात नाही. मागील आठवड्याच्या तुलनेत आता रुग्णसंख्या थोडी कमी होत असल्याचे निरीक्षण डॉ. अजय डोईफोडे यांनी व्यक्त केले. काही रुग्णांच्या नातेवाईंकांनी मुंबईमध्ये शस्त्रक्रिया करा, पुढील वैद्यकीय उपचारांसाठी ग्रामीण भागामध्ये जातो, असाही मध्यममार्ग सुचवला आहे. शस्त्रक्रिया झाल्यानंतर करोना संसर्गाच्या काळामध्ये या रुग्णांवर लक्ष ठेवणे गरजेचे असल्याने डॉक्टरांनी त्यास संमती दिलेली नाही. एखाद्या भागातील संसर्ग काढल्यानंतर त्याचे परिणाम व दुष्परिणाम कोणत्या स्वरूपाचे दिसून येतात, यावर बारकाईने लक्ष ठेवणे गरजेचे असल्याने सध्या पर्यायी इंजेक्शन देण्यात येते. त्याची उपयुक्तता ही एम्फोटेरिन बी इतकी नसल्याने पूर्णपणे बरे होण्याचा वेग धीमा आहे.

नियंत्रण सरकारकडे

सरकारने वितरणाचे नियंत्रण स्वतःकडे ठेवल्यामुळे पालिकेच्या पुरवठादारांवर बंधने आली आहेत. त्यामुळे पालिकेने नोंदणी केलेली इंजेक्शन्स उपलब्ध झालेली नाहीत. मात्र जी यंत्रणा एफडीएच्या माध्यमातून नोंदणी केली आहे, त्याद्वारे इंजेक्शनचा पुरवठा होत आहे. तो दोन तीन दिवसांसाठी असतो, असे पालिकेचे अतिरिक्त आयुक्त सुरेश काकाणी यांनी सांगितले.

असाही अनुभव

सेव्हनहिल्स रुग्णालयामध्ये शस्त्रक्रिया केलेल्या एका रुग्णाला इंजेक्शनची गरज नव्हती, मात्र त्या रुग्णांचे नातेवाईक हे इंजेक्शनसाठी अडून बसले होते. डॉक्टरांनी नाईलाजाने प्रीस्क्रिप्शन लिहून दिल्यानंतर इंजेक्शनच्या शोधासाठी ते फिरत होते. रुग्णाला इंजेक्शनची केव्हा गरज आहे, हा निर्णय डॉक्टरांना घेऊ द्या, असे डॉक्टरांनी स्पष्ट केले आहे.

अद्याप ऑडिट नाही

म्युकरमायकोसिस का होतो, याचे ऑडिट अद्याप झालेले नाही. ते होण्याची गरज डॉक्टरांनी व्यक्त केली आहे. या संदर्भातील माहिती राज्यातून मागवण्यात आली आहे, मात्र या माहितीचे संकलन व त्यानंतर त्याचे वैद्यकीय विश्लेषण अद्याप करण्यात आलेले नाही, असे संबधित समितीच्या सदस्यांनी स्पष्ट केले.

.......................................

२ लाख हून अधिक वाचक
५००+ व्हॉट्सॲप ग्रुप
ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 844844025