अपघात : महामार्गावर मोरवंडे नजीक तिहेरी अपघात ; दुचाकीस्वार ठार तर दुसरा गंभीर

 

महामार्गावर मोरवंडे नजीक तिहेरी अपघात ; दुचाकीस्वार ठार तर दुसरा गंभीर

 खेड : मुंबई गोवा महामार्गावरील मोरवंडे नजीक झालेल्या तिहेरी अपघातात दुचाकीस्वार जागीच ठार झाला तर दुचाकीच्या मागे बसलेला गंभीर जखमी झाला. हा अपघात दुपारी दोन वाजण्याच्या सुमारास घडला.  

घटनास्थळावरून मिळालेल्या माहितीनुसार तिसंगी येथील संभाजी आखाडे (४३) हे आपला मित्र नरेंद्र शिरकर (२३) रा. चिपळूण कळंबट यांच्यासह  होंडा शाईन या दुचाकीने तिसंगीहून   चिपळूण येथे जायला निघाले होते.  महामार्गावरील मोरवंडे मोदगेवाडी नजीक पुढील ट्रकला  ओव्हरटेक  करत असताना समोरून अचानक आलेल्या टाटा सुमो कारमुळे  त्यांचा दुचाकीवरील ताबा सुटला आणि त्यांची दुचाकी ट्रकला धडकून समोरून येणाऱ्या  टाटा सुमो कारवर जाऊन आदळली. या अपघातात दुचाकी चालविणारे संभाजी आखाडे हे जागीच ठार झाले तर त्यांच्या मागे बसलेला त्यांचा मित्र शिरकर गंभीर जखमी झाला. दुचाकीची टाटा सुमोला बसलेली धडक इतकी जोरदार होती कि दुचाकीच्या पुढील भागाचा पूर्ण चक्कचुर झाला. 

अपघाताची खबर कळताच खेड पोलीस स्थानकांच्या पोलीस निरीक्षक सुवर्णा पत्की यांनी आपल्या सहकाऱ्यांसह तात्काळ घटनास्थळी धाव घेतली. दरम्यान मदत ग्रुपचे काही सदस्यही घटनास्थळी पोहचले होते. पोलीस आणि मदत ग्रुपच्या सदस्यांनी अपघातात गंभीर जखमी झालेल्या शिरकर याला घरडा रुग्णालयात उपचारांसाठी दाखल केले.    

खेड पोलिसांनी अपघाताची नोंद केली असून पोलीस या प्रकरणी अधिक तपास करत आहेत.

............................................

२ लाख हून अधिक वाचक
५००+ व्हॉट्सॲप ग्रुप
ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!

बातम्या मिळवण्यासाठी  व  पत्रकार होण्यासाठी  कॉल करा : 8448440256  / 9529501121