एकनाथ खडसेंनंतर आता पंकजा मुंडे यांचं 'लो चली मैं'?

भाजपचे जेष्ठ नेते एकनाथ खडसे यांच्या राष्ट्रवादी प्रवेशानंतर आता भाजपाला आउटगोइंग सुरु होणार व देवेंद्र फडणवीस एकटे पडतील अशा चर्चांना सुरुवात झाली आहे. त्यातच भाजपच्या नाराज नेत्या पंकजा मुंडे यांनी केलेल्या ट्वीट मुळे नव्या चर्चांना सुरुवात झाली आहे.  

... कोरोना च्या परिस्थितीत इतका दौरा, आपली बैठक आणि आपल्या काम करण्याच्या स्टॅमिना चे अप्रूप वाटले... पक्ष, विचार आणि राजकारण वेगळे जरी असले तर कष्ट करणाऱ्या विषयी आदर व्यक्त करायचे मुंडे साहेबानी शिकवले आहे." या ट्वीटमुळे आता एकनाथ खडसेंनंतर पंकजा मुंडे या भाजपला 'लो चली मैं' करणार का? असा प्रश्न समोर आला आहे.  पंकजा मुंडे यांची मंगळवारी ऊसतोड कामगारांच्या प्रश्नांसदर्भात शरद पवार, धनंजय मुंडे नेत्यांसोबत चर्चा झाली. या बैठकीत एकमेंकाचे राजकीय विरोधक समजले जाणारे सामाजीक न्यायमंत्री धनंजय मुंडे व पंकजा मुंडे बाजुबाजूला बसले होते. 

यावेळी दोघे हास्यविनोदात रंगलेले पाहायला मिळाले. गेल्या वर्षी निवडणुकीअगोदर बीडमध्ये झालेल्या एका कार्यक्रमात एकत्र आलेले हे बहिण भाऊ तब्बल एक वर्षानंतर एकत्र पाहायला मिळाले. तसचं भगवान गडावर झालेल्या दसरा मेळाव्यात पंकजा मुंडे यांनी शिवसेनेच्या दसरा मेळाव्याला शुभेच्छा देताना "माझा अभिमन्यु झालाय. येत्या काळात केवळ भगवानगडच नाही तर मुंबईतील शिवाजी पार्क भरून दाखवायचं आहे. तिथे शक्तिप्रदर्शन करायचं आहे." असं म्हटलं होतं.  - अखेर एक वर्षानंतर मुंडे बहिण भाऊ एकत्र... या दोन घटनांमुळे खडसेंनंतर भाजपवर नाराज पंकजा मुंडे पक्षांतर करणार का? पक्ष प्रवेश केला तर कोणत्या पक्षात करतील? असे आले. 

या संदर्भात आम्ही साम टिव्हीचे संपादक निलेश खरे यांची प्रतिक्रीया घेतली असता "पंजका मुंडे यांचा हा पक्षांतर्गत राजकारणासाठी दबाव तंत्राचा वापर आहे." तर धनंजय मुंडे व पंकजा एकत्र यांच्या भेटीबद्दल ते म्हणाले की, "मुळात राजकारणात कुणी कुणाचा वैरी नसतो. त्यात धनंजय आणि पंकजा तर रक्ताचं नातं असलेले राजकारणी आहेत. ते जास्त काळ दुर राहू शकत नाहीत. सोबतच स्थानिक राजकारणावर आपली पकड मजबूत करण्यासाठी हे दोघेही एकत्र येऊ शकतात असे बोलले जात आहे