विशेष बातमीपत्र

हिंदू मुलींना फुस लावून प्रेमाच्या जाळ्यात ओढण्याचा प्रयत्न होत असल्याच्या संशयावरून इचलकरंजीत तणाव; संशयितांवर कठोर कारवाईची हिंदुत्ववादी संघटनांची मागणी.

तरुणीसह चौघांची कॅफे हाऊसमध्ये दादागिरी आणि राडा; कॅफे चालक महिलेला बेदम मारहाण, कॅफेची मोडतोड. कोल्हापुरातील शाहूपुरी तिसऱ्या गल्लीतील घटना.

इचलकरंजीतील ३०० खाटांच्या आयजीएम रुग्णालयासाठी आवश्यक मनुष्यबळ उपलब्ध करून देण्यास सार्वजनिक आरोग्य विभागाची मंजुरी.

शिक्षण घेणारे अंध विद्यार्थी आणि त्यांच्या पालकांना नॅबतर्फे मोफत शैक्षणिक साहित्य आणि शिष्यवृत्तीचे वाटप.

राज्यातील रेशन धान्य दुकानदार, आशा-गटप्रवर्तक महिला आणि कंत्राटी कर्मचाऱ्यांना आरोग्य विमा योजनेचा लाभ मिळणार; प्रस्ताव सादर करण्यासाठी आरोग्य विभाग सकारात्मक.

पाऊस गायब, मात्र छत्री-रेनकोट खरेदीसाठी नागरिकांची गर्दी; तर जुन्या छत्री दुरुस्त करणाऱ्यांना रोजगाराची संधी.

श्री छत्रपती राजाराम साखर कारखान्याच्या २०२६-२७ च्या गळीत हंगामासाठी झालं रोलर पूजन.

मजुरास मारहाण करून सव्वालाखाचा ऐवज चोरणाऱ्या इचलकरंजीतील दोन सराईत गुन्हेगारांना अटक.

श्री शिवप्रतिष्ठान हिंदुस्थान आणि हिंदुत्ववादी कार्यकर्त्यांच्यावतीने कोल्हापुरातील छत्रपती शिवाजी चौकात तिथीनुसार साजरा झाला ३५२ वा शिवराज्याभिषेक दिन सोहळा.

दिवसभर कडकडीत ऊन, पुन्हा एकदा पावसाची हुलकावणी, गेल्या २४ तासात कोल्हापूर जिल्ह्यात केवळ एक मिलिमीटर पावसाची नोंद, दिवसागणिक पाऊस वाढवतोय चिंता.

महाराष्ट्राला पेपर फुटीचा शाप कायम, उद्या म्हणजे रविवारी होणाऱ्या टीईटी परीक्षेचा पेपर फुटल्याने परीक्षा रद्द, राज्यातील ६ लाखांहून अधिक परीक्षार्थी उमेदवारांना धक्का.

रविकिरण इंगवले यांचा व्हिडीओ बॉम्ब, आमदार राजेश क्षीरसागर यांची टक्केवारीच्या कारणास्तव कंत्राटदाराला दादागिरी केल्याचे आरोप, ४० लाखांची वसुली केल्याचाही दावा, व्हिडीओ क्लिप व्हायरल झाल्याने खळबळ.

रविकिरण इंगवले यांच्या विरोधात पाच कोटी रुपयांचा अब्रूनुकसानीचा दावा दाखल करणार, व्हिडीओ प्रसारित करण्यात आमदार सतेज पाटील यांचाच हात, नगरसेवक ऋतुराज क्षीरसागर यांनी मांडली प्रसिद्धी पत्रकाद्वारे भूमिका.

आमदार राजेश क्षीरसागर यांच्या व्हिडीओ क्लिप प्रकरणाची एसआयटी मार्फत चौकशी व्हावी, शिवसेना ठाकरे गटाचे उपनेते संजय पवार, विजय देवणे यांची मागणी.

भारतीय पुरातत्व विभागाच्या कारवाईविरोधात खिद्रापूर ग्रामस्थांचे धरणे आंदोलन सुरू, प्रसिद्ध कोपेश्वर मंदिरामध्ये पर्यटकांना प्रवेशबंदी.

सकल हिंदू समाजाकडून विशाळगडावर साजरा झाला तिथीनुसार शिवराज्याभिषेक दिन, लवकरच विशाळगड अतिक्रमणमुक्त करण्याची नामदार नितेश राणे यांची ग्वाही.

सत्ता नव्हे, तर कार्यकर्ता हाच पाया समजून महाराष्ट्र नवनिर्माण सेनेची वाटचाल सुरू, संपर्क प्रमुख यशवंत किल्लेदार यांचे प्रतिपादन.

आला कर्नाटकचा बेंदूर, बाजारात आले माती आणि प्लास्टरचे सुबक बैल, सजावटीचे साहित्य खरेदी करण्यासाठी हौशी पशुपालकांची गर्दी.