आजच्या ठळक घडामोडी

शैक्षणिक वर्षाची सुरुवात: उन्हाळी सुट्ट्यांनंतर नवीन शैक्षणिक वर्ष सुरू झाले असून, खासदार धनंजय महाडिक यांच्या उपस्थितीत विद्यार्थ्यांचे उत्साहात स्वागत करण्यात आले.

दूध संस्थांवर कारवाई: अवसायान प्रक्रियेतील ६५० दूध संस्था अपात्र ठरल्याचा निर्णय दुग्ध विभागाच्या सहाय्यक निबंधकांनी घेतला आहे.

पंचगंगा प्रदूषण आंदोलन: प्रदूषणाविरोधात 'अंकुश' संघटना आक्रमक झाली असून, आंदोलकांचे पोलिसांशी झटापट झाली. नगरपालिकेत ठिय्या आंदोलनामुळे परिसरात तणाव निर्माण झाला आहे.

आरक्षणाचा मुद्दा: मनोज जरांगे-पाटील यांनी कोल्हापूर गॅझेटसह ऐतिहासिक कागदपत्रांची दखल घेण्याची मागणी केली असून, मराठा आरक्षणाचा लढा सुरूच ठेवणार असल्याचे सांगितले आहे.

शेअर बाजारात तेजी: आखाती देशांतील युद्धविरामानंतर भारतीय शेअर बाजारात मोठी वाढ झाली. सेन्सेक्स ७३६ अंकांनी तर निफ्टी २३१ अंकांनी वधारला, ज्यामुळे गुंतवणूकदारांच्या संपत्तीत ८ लाख कोटींची भर पडली.

अतिक्रमणांवर कारवाई: करवीर तालुक्यातील शिये येथील हनुमाननगर परिसरात २८ अतिक्रमित बांधकामे प्रशासनाकडून हटवण्यात आली आहेत.

ऑनलाइन उपस्थिती अनिवार्य: राज्यातील इयत्ता पहिली ते बारावीच्या विद्यार्थ्यांची उपस्थिती आता ऑनलाइन पद्धतीने नोंदवणे बंधनकारक करण्यात आले आहे.

अखिल भारतीय मराठी चित्रपट महामंडळाच्या अध्यक्षपदी पुन्हा मेघराज राजेभोसले यांची निवड, पारदर्शक कारभार करून सभासदांना विविध सेवासुविधा देऊ, राजेभोसले यांची माहिती

शिरोळ तालुक्यातील नृसिंहवाडीमध्ये दत्त दर्शनासाठी आलेल्या इचलकरंजीतील तरुणाचा कृष्णा नदीत बुडून मृत्यू

केंद्रीय मंत्री अमित शहा यांच्या इचलकरंजी दौऱ्याच्या पार्श्वभूमीवर शिक्षण मंत्री चंद्रकांत पाटील यांनी सभास्थळाची केली पाहणी

केंद्रीय गृहमंत्री अमित शहा यांचा २० जूनचा कोल्हापूर दौरा अभूतपूर्व आणि भव्यदिव्यपणे यशस्वी करावा, खासदार धनंजय महाडिक यांचं पक्ष कार्यकर्त्यांना आवाहन

कळंबा इथं सापळा रचून गोवा बनावटीची मद्य, वाहन आणि मोबाईल असं ८ लाख ७७ हजार रुपयांचं साहित्य जप्त, चालकाला अटक, करवीर पोलिसांची कारवाई

पर जिल्ह्यातून कोल्हापूर शहरात येणाऱ्या वाहनांवर प्रवेश कर आकारण्याचा ठराव नामंजूर करण्याचा महायुतीच्या पार्टी मीटिंगमध्ये निर्णय

कसबा सांगाव मधील स्वामी विवेकानंद इंग्लिश मीडियम स्कूलमध्ये नवागतांचं स्वागत आणि दहावीतील गुणवंतांचा झाला गुणगौरव

कोल्हापुरातील सारंग चषक राष्ट्रीय कॅरम स्पर्धेचा बक्षीस वितरण समारंभ पालकमंत्री प्रकाश आबिटकर यांच्या हस्ते संपन्न