आजची बातमी पत्र

सोळांकुरमध्ये वानराचा धुमाकूळ: राधानगरी तालुक्यातील सोळांकुरमध्ये पिसाळलेल्या वानराने धुमाकूळ घातला असून, गेल्या पाच दिवसांत ६५ नागरिक जखमी झाले आहेत. वन विभागाने वानराला पकडण्याची मोहीम सुरू केली आहे.

आरोग्य विभागातील वाद: सीपीआरच्या मुख्य इमारतीमधील जिल्हा शल्यचिकित्सक कार्यालयाच्या ताब्यावरून शासकीय वैद्यकीय महाविद्यालय आणि सार्वजनिक आरोग्य विभागातील वाद पुन्हा उफाळला आहे.

कोल्हापुरात इलेक्ट्रिक बसेस: खासदार धनंजय महाडिक यांचा ड्रीम प्रोजेक्ट असलेल्या इलेक्ट्रिक बसेस लवकरच कोल्हापूरच्या रस्त्यांवर धावतील. जेबीएम इको लाईफ मोबिलिटी कंपनीसोबत यासाठी करार झाला आहे.

डिझेल बसेस खरेदी: ५० नवीन डिझेल बसेस खरेदी करण्यासह जुन्या बसेसची मुदत तीन वर्षे वाढवण्यासाठी प्रयत्नशील राहू, अशी ग्वाही सभापती सत्यजीत जाधव यांनी दिली आहे.

कोल्हापूर-गगनबावडा महामार्गावर अपघात: मरळी येथे भीषण अपघात झाला असून, यामध्ये २९ वर्षांच्या तरुण डॉक्टरांचा दुर्दैवी मृत्यू झाला आहे.

सतेज पाटील यांच्याविरोधात बॅनरबाजी: पुण्यात आमदार सतेज पाटील यांच्याविरोधात बॅनरबाजी करण्यात आली आहे. "आमचं ठरलंय-कोल्हापूरचं पार्सल कोल्हापूरला पाठवायचं", अशा शब्दांत काँग्रेस कार्यकर्त्यांनी आपली नाराजी व्यक्त केली आहे.

बाुभाई परख पुलाखालील रस्ता: अडीच महिने बंद असलेला हा रस्ता येत्या दोन दिवसांत सुरू होण्याची शक्यता आहे.

चंदगड तालुक्यात शोककळा: किणी-हुंदळेवाडी येथील शेततळ्यात बुडून तीन मुलींचा मृत्यू झाला आहे.

दूधगंगा धरण गळती: काळम्मावाडीच्या दूधगंगा धरण गळतीचे काम सुरू असून ३५ टक्के काम पूर्ण झाले आहे. यंदा पाणी गळती कमी होईल, असा विश्वास जलसंपदा विभागाने व्यक्त केला आहे.

हैदर कलावंत खून प्रकरण: ७ वर्षांपूर्वी इचलकरंजीत झालेल्या या खून प्रकरणी आरोपी गणेश इंगळेला जन्मठेपेची शिक्षा सुनावण्यात आली आहे. दुसरा संशयित योगेश शिंदेचा ३ वर्षांपूर्वीच मृत्यू झाला आहे