आजच्या ठळक घडामोडी

कौशल्यावर आधारित नव्या शिक्षण पद्धतीचा अंगीकार करावा, सामाजिक बांधिलकी आणि नीती मूल्यांचे पालन व्हावे, नूतन कुलगुरू डॉक्टर आर. के. कामत यांची भूमिका.

अंमली पदार्थ तस्करी आणि सायबर गुन्हेगारी मुळापासून मोडून काढणार, कोल्हापूर परिक्षेत्राचे नूतन विशेष पोलीस महानिरीक्षक रंजन कुमार शर्मा यांनी पदभार स्वीकारल्यानंतर व्यक्त केला निर्धार.

चंदगड तालुक्यात वृक्षारोपण घोटाळा, १ कोटी ३४ लाख रुपये खर्चून लावलेली झाडे वर्षभरातच वाळली, वृक्षारोपणाच्या ठेकेदाराकडून रक्कम वसूल करण्याची स्वाभिमानी शेतकरी संघटनेची मागणी.

प्रक्रिया केलेले सांडपाणी एमआयडीसी आणि कोरडवाहू शेतीला देण्याचा प्रस्ताव, आमदार अमल महाडिक यांच्या उपस्थितीत झाली बैठक.

एलईडी पथदिवे बसवण्यासाठी ठेकेदार कंपनी नेमण्यावरून नगरसेवक आक्रमक, पण टक्केवारी आणि ढपला संस्कृती गाडण्यासाठी नागरिकांमध्ये विश्वास निर्माण करणे आवश्यक, अन्यथा संशयकल्लोळ वाढण्याची भीती.

गेल्या वर्षीच्या मे महिन्याच्या तुलनेत गोकुळच्या दूध संकलनात यंदा ९६ हजार ३४९ लिटरची वाढ.

अकरावी ऑनलाइन प्रवेश प्रक्रियेमध्ये सर्व्हर डाऊनची डोकेदुखी कायम, आजअखेर जिल्ह्यातील केवळ २ हजार विद्यार्थ्यांची झाली ऑनलाइन प्रवेश नोंदणी.

एलएलपी कंपन्या स्थापन करून जिल्ह्यातील हजारो गुंतवणूकदारांची तब्बल २२३ कोटी ४० लाख रुपयांची फसवणूक, कोल्हापूर पोलिसांकडून १५५ संशयितांना अटक, केवळ २ कोटी ८ लाखांची मालमत्ता जप्त.

इचलकरंजीतील यंत्रमाग कारखान्याच्या शेडमधून ३ लाख १८ हजार रुपयांचे कापड तागे लंपास.

उपमुख्यमंत्री एकनाथ शिंदे यांच्या वाढदिवसानिमित्त शिवसेना वैद्यकीय मदत कक्षाच्यावतीने ३१ मे रोजी कसबा बावडा येथील सेवा रुग्णालयात विशेष आरोग्य शिबिराचे आयोजन.

२४ मे रोजी कोल्हापुरातील दत्त समर्थ सांस्कृतिक भवन इथे श्री स्वामी समर्थ नामस्मरण महासोहळ्याचे आयोजन; अक्कलकोट देवस्थानचे चेअरमन महेश इंगळे यांचा होणार विशेष सन्मान.

कोल्हापूर शहरातील नालेसफाईची कामे ३१ मे पर्यंत पूर्ण करण्याचे जिल्हाधिकारी आणि महापालिका आयुक्तांचे निर्देश.

करवीर निवासिनी श्री अंबाबाई मंदिरात अधिक मासानिमित्त तीन दिवसीय धार्मिक अनुष्ठानाला प्रारंभ.

सायबर फ्रॉडमधील रक्कम मुरवण्यासाठी आमिष दाखवून वेगवेगळी अकाऊंट काढण्यास भाग पाडणाऱ्या चौघांना सायबर पोलिसांकडून अटक, दोन दिवसांची पोलीस कोठडी.

रोजगार हमी योजनेच्या प्रश्नावरून दन्यचे वडगाव ग्रामस्थांचा करवीर पंचायत समितीवर आक्रोश मोर्चा; कार्यालयाला टाळे ठोकून ग्रामस्थांनी व्यक्त केला तीव्र संताप.

इचलकरंजी महापालिकेतील नेत्यांच्या प्रतिमा काढल्याने शिंदे शिवसेनेचा महापालिकेवर मोर्चा; काही कालावधीनंतर पुन्हा लागले नेत्यांचे फोटो.

रोटरी क्लब ऑफ स्मार्ट सिटीच्यावतीने २३ आणि २४ मे रोजी शॉपिंग आणि फूड एक्सपोचे आयोजन.

तावडे हॉटेल परिसरातील वीटभट्टी नाल्यावरील सांडपाणी प्रक्रिया प्रकल्प उभारण्यासाठी ५ जूनपर्यंत भूसंपादन करावे, अन्यथा आंदोलन करण्याचा कृती समितीचा इशारा.

अखिल भारतीय मराठी चित्रपट महामंडळाच्या निवडणुकीसाठी अर्ज भरण्याच्या आजच्या अखेरच्या दिवशी एकूण ६० अर्ज दाखल.