आजच्या ठळक घडामोडी

पालकमंत्री प्रकाश आबिटकर यांच्या हस्ते शाहू स्टेडियमवर झाला महाराष्ट्र राज्याचा ६७ वा स्थापना दिन ध्वजारोहण सोहळा.

राज्याच्या विकासात कोल्हापूर जिल्ह्याला प्रगतीपथावर नेऊया, नामदार प्रकाश आबिटकर यांचे आवाहन.

फेब्रुवारी-मार्चमध्ये झालेल्या बारावी परीक्षेचा निकाल जाहीर, कोल्हापूर विभागाचा निकाल ८७.८० टक्के, मुलांपेक्षा मुलींची उत्तीर्णतेची टक्केवारी अधिक.

संचालक मंडळाची मुदत संपल्यानंतर प्रशासक नियुक्ती होणे ही नियमित शासकीय प्रक्रिया, गोकुळवरील प्रशासक नियुक्तीच्या मुद्द्याचे कोणीही राजकीय भांडवल करू नये, पालकमंत्री प्रकाश आबिटकर यांची भूमिका.

किरकोळ कारणातून परप्रांतीय तरुणाने केला सख्ख्या भावाचा खून, मलकापूरमधील घटनेनंतर पोलिसांनी केली धीरेंद्र इतवारी सिदारला अटक.

एस.टी. बसमध्ये चढताना गर्दीचा फायदा घेऊन दागिने चोरणाऱ्या कामिना चौगुले या सराईत चोरट्या महिलेला स्थानिक गुन्हे अन्वेषण शाखेकडून अटक, पावणे पाच लाखांचे दागिने जप्त.

इचलकरंजी महापालिकेच्या सर्वसाधारण सभेत विरोधकांपेक्षा सत्ताधारीच आक्रमक, तब्बल ७ तास रंगली सभा.

९० वर्षे पूर्ण झाल्याबद्दल राष्ट्रसेविका समितीच्या वतीने झाला सामूहिक घोष वादनाचा कार्यक्रम.

कोल्हापूर जिल्हा बार असोसिएशनच्या निवडणुकीत ॲड. मंडलिक पॅनेलची बाजी, चिटणीस पॅनेलला मिळाल्या ७ जागा.

एलपीजी गॅस दराबाबत तोडगा निघाला नाही तर २ मे नंतर रिक्षा प्रवासी सेवा बंद करण्याचा रिक्षा संघटनांचा इशारा.

माजी खासदार किरीट सोमय्या यांची जिल्हाधिकारी डॉ. विजय राठोड यांच्याशी मतदार यादी शुद्धीकरण मोहिमेसंबंधी चर्चा

कागल शहरात उभारला जातोय राजर्षी शाहू महाराजांचा पूर्णाकृती पुतळा, ६ मे रोजी राजर्षींच्या पुतळ्याची शहरात निघणार भव्य मिरवणूक, नियोजन बैठकीत कार्यकर्त्यांची माहिती

आद्य शंकराचार्य यांच्या जयंती उत्सवाची पालखी आणि महाप्रसादाने सांगता

७ मे रोजी हरियाणातील रोड मराठा समाजाचे प्रतिनिधी कोल्हापुरात येणार, त्यांचा कोल्हापूर दौरा संस्मरणीय करण्याचा विविध मराठा, बहुजन समाज संघटनांचा निर्णय

इचलकरंजीतील प्रोसेसचं प्रक्रिया केलेलं पाणी शेतीला देऊन पंचगंगा नदीचं प्रदूषण रोखण्याचा प्रयत्न

पत्रकार समीर देशपांडे यांनी लिहिलेलं पुस्तक म्हणजे कोरोना काळातील उत्तम दस्तऐवज, 'कोरोनाशी भिडताना' पुस्तक प्रकाशन सोहळ्यात जाग्या झाल्या कोरोनाच्या कटू आणि भीतीदायक आठवणी

भगवान गौतम बुद्ध यांची २५७० वी जयंती विविध उपक्रमांनी साजरी, पन्हाळा तालुक्यातील बौद्ध लेणी, मसाई पठार, पांडवदरा आणि पोहाळे इथं बौद्ध प्रतिमांचं पूजन

सुरळीत पाणी पुरवठा व्हावा, यासाठी इचलकरंजीतील नागरिकांचा महापालिकेवर मोर्चा

इचलकरंजीत खो-खो स्पर्धेला प्रारंभ, तीन दिवस चालणाऱ्या स्पर्धेत १० संघ सहभागी

पंचतारांकित औद्योगिक वसाहतीत कामगारांची सुरक्षा धोक्यात, तीन महिन्यात दोघांचा मृत्यू, तर दोघे जखमी, शिवसेन्एकडून आंदोलनाचा इशारा