चिपळूण तालुक्यातील खरवते - दहिवली येथील शरदचंद्रजी पवार कृषि महाविद्यालयामध्ये सह्याद्रि कृषि क्रीडा संग्राम चा थरार आंतरमहाविद्यालयीन क्रीडा स्पर्धां उत्साहात संपन्न

आबलोली 

 चिपळूण तालुक्यातील शरदचंद्रजी पवार कृषि व कृषी संलग्न महाविद्यालय,खरवते-दहिवली येथे सह्याद्रि कृषि क्रीडा संग्राम थरार मोठ्या उत्साहात व खेळीमेळीच्या वातावरणात नुकताच उत्साहात संपन्न झाला.या मध्ये विविध क्रीडा प्रकारांचे आयोजन करण्यात आले.यामध्ये क्रिकेट, बास्केटबॉल,व्हॉलीबॉल,कबड्डी, खो- खो,बॅडमिंटन,कॅरम,टेबल टेनिस,बुद्धिबळ,रस्सीखेच, ॲथलॅटीक्स यांचा समावेश होता.यंदा महाविद्यालयाच्या स्व. गोविंदराव निकम क्रिडा नगरी मधील नुकत्याच साकारण्यात आलेल्या टर्फ क्रिकेट मैदानावर क्रिकेट स्पर्धा पार पडली.यामध्ये चतुर्थ वर्षातील मुलांनी विजेते पद व तृतीय वर्षातील मुलांनी उपविजेतेपद पटकावले.व्हॉलीबॉल ( मुले) क्रीडा प्रकारामध्ये द्वितीय वर्ष अन्नतंत्रज्ञान शाखेने विजेतेपद तर द्वितीय वर्ष कृषिने उपविजेतेपद संपादन केले.व्हॉलीबॉल(मुली)मध्ये द्वितीय कृषि यांनी प्रथम व तृतीय वर्ष कृषि यांनी द्वितीय क्रमांक मिळवत यश संपादन केले.बॅडमिंटन क्रीडा प्रकारामध्ये कु.भाविका धसाडे, कु.आयुषा निकम,कु.आदित्य कुदळे,कु.भुषण तळेकर,कु.सनि चांगण व कु.शिवराज रिकीबे यांनी प्रथम व द्वितीय अनुक्रमे क्रमांक मिळवला.ॲथलॅटीक्स स्पर्धामध्ये कु.वेद गिते, कु.अभिनव शिंदे ,कु.रविना दसवत,कु.सृष्टी मोरे,कु.समृद्धी मोरे,कु.अवधुत काळे,कु.श्याम गावंड,कु.पार्थ निकम,कु.श्रावनी सांगरे,कु.ऐश्वर्या लांडगे व कु.रिया भोई यांनी विजय मिळवला.टेबल टेनिस स्पर्धेमध्ये कु.ईशा पाटील, कु.तेजस्वी राणे,कु.अनामिका सावंत,कु.मयुरी नलवडे,कु.अवनिश बर्डे,कु.सिद्धार्थ राणे,कु.माधव क्षीरसागर,कु.तेजस भेलके व कु.प्रफुल्ल वायकर यांनी विजय मिळवला.कॅरम (मुले) स्पर्धांमध्ये कु.अनिरूद्ध कोळेकर,कु.साहिल म्हात्रे,कु.अभिषेक पवार (द्वितीय वर्ष कृषि) ,व मुलींमध्ये कु.प्रणाली आयरे (तृतीय वर्ष कृषि)यांनी विजेतेपद मिळवले.बुद्धिबळ क्रीडा प्रकारामध्ये द्वितीय वर्ष कृषि व तृतीय वर्ष उद्यानविद्या यांनी विजेतेपद पटकावले.खो खो स्पर्धांमध्ये चतुर्थ वर्ष कृषि च्या मुली व द्वितीय वर्ष कृषि च्या मुलांनी प्रथम क्रमांक मिळवला. कबड्डी मध्ये चतुर्थ वर्ष कृषि मुले व मुली विजेते ठरले.रस्सीखेच क्रीडा प्रकारात द्वितीय कृषि मुले व तृतीय वर्ष कृषि मुली यांनी विजेतेपद पटकावले.

 या सर्व विजयी व सहभागी स्पर्धकांचे महाविद्यालयाचे प्राचार्य डॉ.सुनितकुमार पाटील यांनी कौतुक करत त्यांचे अभिनंदन केले.या सर्व क्रीडा स्पर्धा यशस्वी होण्यासाठी महाविद्यालयाचे क्रीडा निर्देशक सुहास आडनाईक व सर्व प्राध्यापक वर्ग यांचे मौलिक मार्गदर्शन लाभले.