आबलोली येथील चंद्रकांत बाईत विद्यालय व कनिष्ठ महाविद्यालयात भारतरत्न डॉ. बाबासाहेब आंबेडकर जीवन परिचय स्पर्धा उत्साहात संपन्न

आबलोली:

गुहागर तालुक्यातील आबलोली येथील चंद्रकांत बाईत विद्यालय व कनिष्ठ महाविद्यालय आबलोली येथे भारतरत्न डॉ. बाबासाहेब आंबेडकर यांच्या १३४ व्या जयंती निमित्ताने भारतरत्न डॉ. बाबासाहेब आंबेडकर जीवन परिचय स्पर्धा घेऊन या नाविन्यपूर्ण उपक्रमाने भारतरत्न डॉ.बाबासाहेब आंबेडकर जयंती उत्साहात आणि जल्लोषात साजरी करण्यात आली.यावेळी चंद्रकांत बाईत विद्यालय व कनिष्ठ महाविद्यालय आबलोली या प्रशालेमध्ये बाबासाहेबांच्या जीवनाचा, कार्याचा व देशाला लाभलेल्या योगदानाचा विद्यार्थ्यांना परिचय व्हावा या एकाच उद्देशाने सर्व विद्यार्थ्यांना भारतरत्न डॉ.बाबासाहेब आंबेडकर यांच्या जीवनावर आधारित माहिती पुस्तिका पुरवण्यात आली होती, या माहिती पुस्तिकेवर आधारित भारतरत्न डॉ.बाबासाहेब आंबेडकर जीवन परिचय स्पर्धा म्हणजे एक परीक्षा घेण्यात आली या परीक्षेमध्ये यशस्वी प्रत्येक वर्गातील प्रथम क्रमांकास बक्षीस देण्यात आली. हि बक्षिसे लोकशिक्षण मंडळ आबलोलीचे सन्मा.कोषाध्यक्ष श्री. रमाकांत (नाना) विष्णू साळवी यांच्यामार्फत देण्यात आली भारतरत्न डॉ. बाबासाहेब आंबेडकर जीवन परीचय स्पर्धेतील यशस्वी विद्यार्थी पुढील प्रमाणे 

कु.समर्थ शैलेश दिंडे, इयत्ता पाचवी

कु.अद्वैत सुरेश ठोंबरे इयत्ता पाचवी.

 कु.निधी संतोष पागडे इयत्ता सहावी 

कु.अक्षरा संदेश सावंत इयत्ता सातवी 

कु.हिंदवी दत्तात्रय राठोड इयत्ता आठवी

कु. प्रथमेश प्रशांत जाधव इयत्ता नववी

 कु.रुद्र राकेश साळवी इयत्ता नववी हे विद्यार्थी बक्षीसपात्र ठरले.

सदर परीक्षा यशस्वी होण्यासाठी श्री. दिनेश नेटके ,श्री. नितिन जगताप ,श्री. वैभव ढवळ यांचे मौलिक योगदान लाभले सन्माननीय प्राचार्य श्री. डि. डी. गिरी सर यांचे मार्गदर्शन लाभले. लोकशिक्षण मंडळ आबलोलीचे कार्याध्यक्ष श्री.सचिनशेठ बाईत व सर्व कार्यकारिणीने या नाविन्यपूर्ण उपक्रमाचे कौतुक केले व विद्यार्थ्यांना शुभेच्छा दिल्या.