दापोली-मंडणगड मार्गावर एसटी-दुचाकीचा अपघात; जखमी दुचाकीस्वाराचा मृत्यू

 

 

दापोली : दापोली मंडणगड रस्त्यावर खेर्डीनजीक ६ नोव्हेंबर २०२२ दुपारी ३.०० वाजता झालेल्या एसटी बस व दुचाकी अपघातामधील जखमी दुचाकीस्वाराचा दि. ७ नोव्हेंबर रोजी उपचारादरम्यान मृत्यू झाला आहे.

या बाबत दापोली पोलिसांकडून मिळालेल्या माहितीनुसार, ६ नोव्हेंबर रोजी दापोली एसटी डेपो मधील लक्ष्मण बापू गायकवाड हे बोरिवली-दापोली गाडी (क्र. एम एच १४/इट /२५३८) ही दि. ६ नोव्हेंबर रोजी दापोलीकडे घेऊन येत असताना दुपारी ३ वाजण्याच्या सुमारास मंडणगड दापोली रोडवरील खर्डीनजीक खतीजा इंग्लिश स्कूल येथे पोहोचले असता समोरून येत असणारी दुचाकी क्रमांक एम एच ४८ / त/८२०७ ही साद इकबाल हसेन वय २५ राहणार काळकाई कोड आजाद नगर दापोली हा दापोलीकडून मंडणगडकडे जात असताना रस्त्याच्या सँग साईडने येऊन एसटी बसच्या पुढील चाकाच्या गार्डवर आढळला यामध्ये त्याच्या पोटाला दखापत होऊन तो गंभीर जखमी झाला. त्याला अधिक उपचारासाठी डेरवण येथे हलवण्यात आले असता दिनांक ७ नोव्हेंबर २०२२ रोजी त्याचा उपचारादरम्यान मृत्यू झाला. या घटनेचा अधिक तपास पोलीस कॉन्स्टेबल बुरटे हे करीत आहेत.