कोल्हापुरात चाललंय काय? तब्बल २ कोटींचं प्लॅनिंग फसलं...

  

Kolhapur News Today : एका आठवड्यात अशी दुसरी मोठी कारवाई करण्यात आली असल्याने व्हेल माशाची उलटी तस्करीमागे कोणत मोठ रॅकेट असल्याचा संशय व्यक्त केली जात आहे.

कोल्हापूर : कोल्हापूर एसटी स्टॅण्ड ते परीख पूल रोडवर दोन कोटी एक लाख पन्नास हजार रुपये किमतीची प्रतिबंधीत असलेली व्हेल माशाची उलटी बेकायदेशीर बाळगून विक्री करीता आलेल्या ३ आरोपींना स्थानिक अन्वेषण विभागाच्यावतीने ताब्यात घेण्यात आले असून यामध्ये संशयित आरोपी करण संजय टिपुगडे, संतोष अभिमन्यू धुरी, जाफरसादीक महंमद बाणेदार या तिघांना ताब्यात घेण्यात आले आहे.

 

चार नोव्हेंबर रोजी सरनोबतवाडी इथे सुमारे ३ कोटीहून अधिकची व्हेल माशाची उलटी बाळगणाऱ्या तिघांना अटक करून मुद्देमाल जप्त करण्यात आला होता. यामुळे एका आठवड्यात अशी दुसरी मोठी कारवाई करण्यात आली असल्याने व्हेल माशाची उलटी तस्करीमागे कोणत मोठ रॅकेट असल्याचा संशय व्यक्त केली जात आहे.

मिळालेल्या माहितीनुसार, आज ७ नोव्हेंबर रोजी स्थानिक गुन्हे अन्वेषण शाखेकडील पोलीस अंमलदार विनायक चौगुले यांना कोल्हापूर एसटी स्टॅण्ड ते परीख पुल जाणारे रोडवर काही व्यक्ती हे प्रतिबंधीत व्हेल माशाची उलटी(अंबरग्रीस) विक्री करीता घेवून येणार असल्याची माहिती गुप्तचराकडून मिळाली. या बातमीनुसार पोलीस निरीक्षक संजय गोर्ले यांच्या मार्गदर्शनाप्रमाणे पथकाने कोल्हापूर ते परीख पुल जाणारे रोडवर जावून सापळा रचला.

गाडीला थांबवून तपासणी केली असता त्यांच्याकडून एकूण ०२ किलो १५ ग्रॅम वजनाचे दोन कोटी एक लाख पन्नास हजार रुपये किमंतीचा प्रतिबंधीत असलेला व्हेल माशाचा उलटी सदृश्य पदार्थ व इतर मुद्देमाल असा एकूण २,०२,२०,००० रुपये किमतीचा मुद्देमाल मिळून आला या तर पोलिसांनी तिघांना ताब्यात घेतले असून अशा प्रकरची या आठवड्यातील ही दुसरी मोठी कारवाई करण्यात आली असल्याने या मागे मोठा रॅकेट असल्याचा संशय व्यक्त केला जात आहे.