स्वप्नाली सावंत खून प्रकरण: राजकीय मंडळींचीही होणार चौकशी

 

रत्नागिरी : ऐन गणेशोत्सवात गाजलेल्या स्वप्नाली सावंत हत्या प्रकरणात आता काही राजकीय मंडळींची देखील चौकशी केली जाणार आहे.

तपासाचा भाग म्हणून पोलिसांनी स्वप्राली यांचा पती भाई सावंत याच्या मोबाईलचा सीडीआर मागवला होता. त्यानुसार स्वप्राली सावंत खून प्रकरणात काही राजकीय मंडळींची देखील चौकशी होणार आहे. या प्रकरणात आता पोलिसांनी डीएनए चाचणीच्या अहवालाची देखील प्रतिक्षा आहे.

साधारण दीड महिन्यापूर्वी रत्नागिरीतील स्वप्राली सावंत हत्या प्रकरण चांगलंच गाजलं होतं. शिवसेनेच्या पंचायत समितीच्या सभापती राहिलेल्या स्वप्राली सावंत ऐन गणेशोत्सवात गायब झाल्या. त्यानंतर त्यांच्या पतीने स्वप्राली गायब असल्याची तक्रार पोलिस ठाण्यात दिली. पण, याच प्रकरणात पोलिसांनी स्वप्राली सावंत यांच्या पतीसह आणखी दोघांना अटक केली. यावेळी शिवसेनेचा उपतालुका प्रमुख राहिलेल्या स्वप्राली यांचा पती भाई सावंतने स्वप्रालीची हत्या केल्याची कबुली दिली. स्वप्नाली यांचा पहिल्यांदा गळा आवळून खून करण्यात आला. त्यानंतर त्यांचा मृतदेह घराच्या मागील बाजूला जाळण्यात आला. पण, पोलिसांनी यावेळी घटनास्थळावरुन पुरावे देखील मिळाले आणि भाई सावंतचा सारा डाव उधळला गेला. सुरुवातीला भाई सावंतने तपासात दिशाभूल करण्याचा प्रयत्न केला. पण, त्यानंतर मात्र त्याने दिलेली गुन्ह्याची कबुली पाहता कोल्ड ब्लडेड मर्डर अशी प्रतिक्रिया सर्वच स्तरातून ऐकू येऊ लागली. दरम्यान, कोंटुबिक वादातून भाई सावंतने स्वप्राली सावंत यांचा खून केला होता. दरम्यान आता या सान्या प्रकरणात काही राजकीय मंडळींची देखील चौकशी होणार आहे.