बाळासाहेबांची शिवसेनेचा पहिला विजय, कोकणात रामदास कदमांच्या लेकाने फडकवला भगवाबाळासाहेबांची शिवसेनेचा पहिला विजय, कोकणात रामदास कदमांच्या लेकाने फडकवला भगवा

 

दापोली विधानसभा मतदारसंघात एकूण दहा ठिकाणी ग्रामपंचायत निवडणूक लागली आहे. त्यापैकी दापोली तालुक्यातील नवसे, फणसू, तर खेड तालुक्यातील वडगांव या तीन ग्रामपंचायती बाळासाहेबांची शिवसेना या पक्षाने जिंकल्या

रत्नागिरी : कोकणातील रत्नागिरी जिल्ह्यात काही ग्रामपंचायत निवडणुका जाहीर झाल्या आहेत. त्यापैकी दापोली मतदारसंघात तीन ग्रामपंचायतीच्या निवडणुका बिनविरोध झाल्या असून सरपंचही बिनविरोध झाले आहेत. यात एकनाथ शिंदे गटाने बाजी मारली आहे. आमदार योगेश कदम यांनी पत्रकार परिषदेत यासंदर्भात माहिती दिली. शिवसेनेत दोन गट पडल्यानंतर पहिल्यांदाच झालेल्या ग्रामपंचायत निवडणुकीत एकनाथ शिंदे गटाने किंबहुना बाळासाहेबांची शिवसेना पक्षाने बाजी मारली आहे.

दापोली विधानसभा मतदारसंघात एकूण दहा ठिकाणी ग्रामपंचायत निवडणूक लागली आहे. त्यापैकी दापोली तालुक्यातील नवसे, फणसू, तर खेड तालुक्यातील वडगांव या तीन ग्रामपंचायती बाळासाहेबांची शिवसेना या पक्षाने जिंकल्याची माहिती आमदार योगेश कदम यांनी दिली. इतकंच नाही, तर उर्वरित सगळ्या ग्रामपंचायतींवर पण बाळासाहेबांच्या शिवसेनेचा भगवा फडकेल असा विश्वास त्यांनी व्यक्त केला.

जनता आमच्या बरोबर असून गेली सहा वर्षे आपण दापोली मतदारसंघात सक्रिय झाल्यापासून आम्ही जी विकासकामे केलेली आहेत, या सगळ्याचा प्रतिसाद येथील सगळे ग्रामस्थ उर्वरित ग्रामपंचायत निवडणुकीत आपल्याला देतील, असा विश्वास आमदार योगेश कदम यांनी व्यक्त केला.