आजची रेसीपी :: शाही कोबी पुलाव

साहित्य:

• ३-४ टेबल स्पुन्स तेल

• ३-४ टेबल स्पुन्स तुप

• ४-५ प्रत्येकी लवंग, काळी मिरी

• ३-४ छोटे तुकडे दालचिनी

• ३-४ पाने तेजपत्ता

• २-३ मोठ्या पाकळ्या बारीक ठेचलेले लसुण

• १ १/२ टेबल सपून्स गरम मसाला पावडर

• मीठ चवीनुसार

• कोथिंबीर आणि पुदिन्याची पाने सजावटीसाठी

• पाव किलो कोबी

• १ १/२ कप बासमती तांदुळ

• १/२ कप फरसबी (तिरके काप केलेली)

• १/४ कप गाजर

• १/२ कप भिजवलेल्या काळ्या मनुका

• १/२ कप भिजवलेले काजू

• १५0 ग्रॅम पनीर

• ३ कप गरम पाणी

कृती:

• तांदुळ २-३ वेळा पाण्यातून धुवून, पाणी काढून टाकून २०-३० मि ठेवून द्यावा.

• काळ्या मनुका व काजू २० मिनिटे पाण्यात भिजवून ठेवावेत.

• कोबीच्या पातळ लांब स्ट्रिप्स कापून घ्याव्यात. जसे चायनीज पदार्थांसाठी कापतो तसे.

• पॅनमध्ये २-३ टे स्पून तेल गरम करुन घ्यावे.

• त्यात कापलेला कोबी टाकून ५-८ मिनिटे परतून घ्यावा. कोबी जास्त नरम होऊन देऊ नका.

• ज्या भांड्यात पुलाव करायचा आहे त्यात ३-४ चमचे तुप तापवून घ्यावे.

• तुप गरम झाल्यावर त्यात लवंग, काळी मिरी, दालचिनी टाकून जरा तडकू द्यावे. तेजपत्ता टाकून थोडेसे परतून घ्यावे.

• आता लसूण टाकून ते थोडेसे परतून घ्यावे.

• भाज्या घालून २ मिनिटे परतून घ्याव्यात.

• आता धुतलेला तांदुळ घालून तो पाचेक मि मस्त परतून घ्यावा.

• भिजवलेल्या मनुका आणि काजू घालावेत.

• गरम पाणी घालून सर्व साहित्य एकत्र करून भांड्यावर झाकण ठेवावे.

• ५-७ मि नि भात जरासा शिजल्यावर त्यात चवीप्रमाणे मिठ घालून भात व्यवस्थीत शिजवून घ्यावा.

• पनिरचे पातळ लांब-लांब तुकडे करुन घ्यावेत.

• भात व भाज्या निट शिजल्यावर त्यात कापलेले पनीर आणि गरम मसाला पावडर घालून हलकेच मिक्स करुन घ्यावे.

• २-३ मि वाफेवर ठेवून गॅस बंद करावा.

• आता परतलेला कोबी वरुन बिर्यानी प्रमाणे पसरून घ्यावा किंवा पुलावच्या लेयर्स करुन त्यामध्ये पसरावा. सगळे एकत्र करुनही घेता येते.

• एकदा कोबी घातल्यावर पुन्हा शिजवण्यची प्रक्रीया होऊ नये नाही तर कोबी पिचपिचीत होईल.

• वरुन कोथिंबीर आणि पुदीना चिरुन टाकून गरमा गरम पुलावचा आस्वाद घ्यावा.