आजची रेसीपी~कुरकुरीत कारली

⏺️साहित्य:

• सुकं खोबरं एक वाटी

• तीळ एक चमचा

• जिरं एक चमचा भाजलेलं

• हरभरा डाळ पाच चमचे

• उडीद डाळ एक चिमुट 

⏺️कृती:

• लाल मिरची एक हे सर्व जिन्नस खमंग, कोरडे भाजून घ्यावेत . नंतर सर्व साहित्य एकत्र वाटून घ्यावं.

• कारल्याची फक्त देठं काढून बोटभर लांबीचे एकसारखे काप करावेत . 

• उकळत्या पाण्यात एक चिमुट हळद व एक चिमुट मीठ घालून कारल्याचे तुकडे टाकावेत . 

• झाकण ठेवून पाच मिनिटं सळसळ उकळून घ्यावेत . नंतर चाळणीत किंवा रोवळीत ओतून पाणी काढून टाकावं . त्यावर लगेच गार पाणी ओतावं . पाणी पूर्णपणे निथळल्यावर तुकडे मुठीत दाबून पाणी काढून टाकावं . 

• हे करताना तुकडे मोडू देऊ नयेत. ते सर्व तुकडे कागदावर दहा मिनिटं पसरावेत .    

• एक ते दीड डाव तेल गरम करून कारल्याचे तुकडे चुरचुरीत-कुरकुरीत तळून काढावेत . बारीक चिरलेला कांदा त्याच तेलात परतावा . 

• कारली-कांदा काढून घेऊन त्याच कढाईत किंवा दुसऱ्या पैनमध्ये गूळ (आवडीप्रमाणे) घ्यावा व दीड वाटी पाणी घालून गरम करावं . पाक करू नये . 

• गूळ विरघळला की त्यात तिखट , मीठ , हळद , हिंग, आमचूर , जिरेपूड , कोथिंबीर आणि वरील मसाला यांचं एकत्रित मिश्रण करून टाकावं . 

• कारली व कांदा घालवा . सर्व मसाला , गूळ सॉस कारल्याच्या फोडींना लागला पाहिजे.