दुःखद घटना : खंडाळा येथे दुचाकीला दिलेल्या धडकेत दहा वर्षीय चिमुरड्याचा जागीच मृत्यू

रत्नागिरी:

रत्नागिरी तालुक्यातील खंडाळा येथे काल सायंकाळच्या सुमारास हा अपघात झाला. बल्गर भरधाव वेगाने जात असताना दुचाकीला दिलेल्या धडकेत दहा वर्षीय चिमुरड्याचा जागीच मृत्यू झाला आहे. तर दुचाकी चालविणारे आजोबा जखमी झाले आहेत. या चिमुरड्याच्या अपघाती मृत्यूनंतर स्थानिकांनी ग्रामस्थ आक्रमक होत रस्तारोको केला होता. यामुळे खंडाळा परिसरात तणाव निर्माण झाला होता. रात्री उशिरापर्यंत पोलीसांची अतिरिक्त कुमक घटनास्थळी दाखल झाली होती.

दुचाकीला मागून जोरदार धडक धडक जोरात बसल्याने दुचाकीवर मागे बसलेला दर्शिल प्रमोद सावंत या शाळकरी चिमुरड्याचा रस्त्यावर फेकला गेल्याने जागीच मृत्यू झाला तर आजोबा रामचंद्र सावंत हे जखमी झाले आहेत. या अपघाताची माहिती मिळताच कोळीसरेसह संपूर्ण खंडाळा परिसरातील ग्रामस्थांनी मोठ्या प्रमाणात एकवटून त्यांनी रास्तारोको केला. पोलीसांचे वरिष्ठ अधिकारी रात्री खंडाळा येथे दाखल झाले होते.