काव्यपुष्प

काव्यपुष्प

आला गोविंदा गोपाळा

आला रे गोविंदा आला

गड्यांनो हंडी फोडू चला

थरावर थर उंचावर बांधा

नाचतील रे पोरं आनंदा

केला दह्यादुधाचा काला

मंडळींस सर्वा वाटून टाका

गोड प्रसाद हंडी उत्सवाचा

कोणी कृपया नासवू नका

गोविंदांमध्ये दिसला उभा 

कृष्ण कन्हैया नंदलाला 

माखन चोरायला आला

आमचा हा बासरीवाला

सूर बासरीचे संदिग्ध झाले 

दाहीदिशा चौघडे वाजले 

गोविंदापथकांसह प्रांगणात

सारे नाशिककर आनंदीले 

बोला गोविंदा रे गोपाळा 

यशोदेच्या तान्ह्या बाळा

सखा आमचा लेकुरवाळा

फोडतो हंडी नंद गोकुळा

- नयन धारणकर

-------------------------------------

 

 ..प्रभा..

शांत आनंद प्रहरी

मंद धुंद पहाटवारा,

गंध सुमनांचा करी

प्रसन्न परिसर सारा.

..नखाते ज्ञानेश्वर..

      .परभणी.

 

-------------------------------------

ओळखीतून होते मैत्री 

दिर्घकाळ आनंद देणारी 

सवय होताच एकमेकांची

सहवासातून विश्वास शोधणारी 

सौ. मधुरा कर्वे. ( भावगंधा )

पुणे

-----------------------------------

       

पाऊस सरी

सवे घेऊन वारा

जीवन थारा

दरवळतो

हा सुगंध चौफेर

चित्त बाहेर

ओल्या मातीचा

स्पर्श पाया भावतो

स्वस्थ राहतो

सौ उषा राऊत

--------------------------------------

 श्रावणधारा

खट्याळ पाऊस उनाड वारा

रिमझिम रिमझिम श्रावण धारा

कधी झळाले सोनेरी ऊन

उठे तरारून गवताचे मन

क्षणात झरती धरणीवरती

शुभ्र टपोऱ्या गारा

रिमझिम रिमझिम श्रावण धारा

निळ्या मंडपा हिरवी झालर

इंद्रधनूची नक्षी सुदंर

रानफुलांच्या रांगोळीचा 

स्वर्गीय नजारा

रिमझिम रिमझिम श्रावण धारा

फुलपाखरे गाती गाणी

स्वच्छंदे उडती पानोपानी

लयीत देतो साथ तयांना 

झुळझुळणारा झरा

रिमझिम रिमझिम श्रावण धारा

क्षणात भिजती झाडे वेली

क्षणात येती उन्हे कोवळी

लपंडाव सावली ऊनाचा

खेळ अजब हा न्यारा

रिमझिम रिमझिम श्रावण धारा

अरूण मोर्ये

सत्कोंडी, रत्नागिरी

8806890558/8805704557

------------------------------------------------------

    आजची   चारोळी

   नियती तुझा खेळ आगळा

   कधी असा तर कधी तसा.

  हसता हसता कधी कोण रडेल?

   नाही कशाचा भरवसा.

   सौ. हेमा जाधव, सातारा

------------------------------------------

कोडे 

न कळे कसे हे आयुष्याचे

कोडे सहज सोडवावे

हसऱ्या क्षणांना जपावे की

क्षण हसरे पूर्वीचे आठवावे.....

कु.अंकिता आनंद धबडगावकर.

परभणी.

-------------------------------

 बाप आठव नेहमी..…

तुला बघायला मुली

वेळ मिळेना बापाला ।

नित्य सकाळी सकाळी

जावे लागते कामाला ।।

काय करणार सांग

कष्ट केले नाही तर? ।

तुला उपाशी राहता

बघणार जन्मभर? ।।

बापासाठी तूच परी

तूच वेदना नाशक ।

दुःख क्षणात भुलतो

अगं जगाचा मालक ।।

बोल बोबडे तुझेच

तरसतो ऐकायला ।

बाप कामात राहतो

तुझे पोट भरायला ।।

नको बापाला भुलूस

तुझ्या सुखाच्या क्षणात ।

बाप आठव नेहमी

जोड त्याच्यापुढे हात ।।

शब्दसखा-अजय रमेश चव्हाण, तरनोळी

ता.दारव्हा, जि.यवतमाळ

मो.८८०५८३६२०७

-------------------------------------------------------

 कष्टकरी माझा बाप..…

कष्टकरी माझा बाप 

शेतकरी माझा बाप ।

नित्य जगास पोसतो

सेवेकरी माझा बाप ।।

घरदार सोडूनिया

रोज शेतात झोपतो ।

स्वतः उपाशी राहून

निगा पिकांची राखतो ।।

श्वेत सोनं पिकवतो

तरीपण स्वतः दीन ।

माझा बाप शेतामध्ये

जसा पाण्यामध्ये मिन ।।

माझे दुःख विसरतो

घाम बापाचे बघता ।

दुःखामध्ये राहूनही

क्षण सुखाचे टिपता ।।

जन्मभर ऋण कसा

कोण फेडणार त्याचे ।

बापाविन दावणार

कोण दिवस सुखाचे? ।।

शब्दसखा-अजय रमेश चव्हाण, तरनोळी

ता.दारव्हा, जि.यवतमाळ

मो.८८०५८३६२०७

--------------------------------------

 पूछ लेते

मोहब्ब्त करने से पहले पूछ लेते

दिल देने से पहले  हमें पूछ  लेते 

हमें तुम किस  तरह से  पसँद हो 

एक  बार  यह बात तुम पूछ लेते

दोस्ती से  तुमने शुरुआत की थी 

घुमाफिरा  ने से  सीधा  पूछ लेते 

तुम्हारा   जवाब  हा  था  लेकिन 

हमारा  जवाब भी जरा पूछ लेते

कुछ   पल  क्या  गुज़ारे   तुम्हारे

साथ  मेरी आँखों जरा  पूछ लेते 

मेनें भी  किसी से वादा किया है 

हाल-ए-दिल  मेरा भी पूछ  लेते 

नीक राजपूत

9898693535