आवास प्लसच्या 'ड' यादीतून जिल्ह्यातील साडेचौदा हजार लाभार्थ्यांचे प्रस्ताव नाकारले

आवास प्लसच्या 'ड' यादीतून जिल्ह्यातील साडेचौदा हजार लाभार्थ्यांचे प्रस्ताव नाकारले

रत्नागिरी : प्रधानमंत्री ग्रामीण आवास योजनेच्या प्रसिद्ध केलेल्या आवास प्लसच्या ‘ड' यादीत रत्नागिरी जिल्ह्यातील सुमारे १४ हजार ४८९ लाभार्थ्यांचे प्रस्ताव नाकारण्यात आले आहेत. निकषात न बसल्यामुळे ही यादी केंद्रस्तरावरुनच रद्द झाली आहेत. याबाबत रोजगार हमी योजनेवर काम केलेले नाहीत आणि मोठी घरे असलेल्या लाभार्थीचा समावेश आहे. प्रधानमंत्री ग्रामीण आवास योजनेची ड यादी कार्यान्वित करण्याच्या हालचाली सुरू झाल्या आहेत. त्यासाठी प्रथम संभाव्य लाभार्थी नोंदणी केली होती. निकषानुसार पडताळणी केल्यानंतर पात्र आणि अपात्र ठरलेल्यांची ड यादी प्रसिद्ध झाली आहे. जिल्ह्यात एकूण ७८ हजार ७४६ लाभार्थीनी नोंदणी केली होती. त्यातील ६० हजार ८६२ लाभार्थी पात्र ठरले आहेत. १४ हजार ४८९ लाभार्थी बाद झाले आहेत. त्यामुळे जिल्ह्यात प्रचंड नाराजी आहे. शासनाच्या निकषानुसार घरात फ्रीज असणे, चिरेबंदी घर, दोन पेक्षा जास्त खोल्या असलेल्यांचे प्रस्ताव अपात्र ठरवण्यात आले आहेत. ज्या लाभार्थ्यांनी शासनाच्या रोजगार हमी योजनेवर काम केले आहे, त्यांचा यात प्राधान्याने समावेश केला आहे. ग्रामीण भागातील गरीब नागरिकांना रोजगार मिळावा, दररोज मजुरी मिळावी या उद्देशाने केंद्र व राज्य शासनाने महात्मा गांधी राष्ट्रीय ग्रामीण रोजगार हमी योजना सुरू केली. त्यात काम केलेले नागरिक गरीब असतात, असा शासनाने नवीन निकष लावला आहे. त्यामुळे ड यादी प्रसिद्ध करताना ज्या लाभार्थ्यांनी मनरेगांतर्गत काम केले आहे. त्यांचाही विचार केला गेला आहे. ज्यांचा समावेश नाही, ते आवासच्या लाभापासून वंचित आहेत. २०११ मध्ये केलेल्या सामाजिक, आर्थिक व जात निहाय आर्थिक सर्व्हेक्षणानुसार ही यादी तयार केली आहे. या सर्व्हेक्षणात ज्यांनी दोन पेक्षा जास्त खोल्या असल्याचे दाखविले आहे, त्यांना आवासच्या लाभातून वगळण्यात आले आहे. त्याचाही मोठा फटका जिल्ह्यातील नागरिकांना बसला आहे.

....................................

२ लाख हून अधिक वाचक
५००+ व्हॉट्सॲप ग्रुप
ऑनलाईन व प्रिंट मीडिया
------------------------------
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
....................................... .
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 8448440256