गावठी दारू बाळगणाऱ्या महिलांविरोधात गुन्हा दाखल

Posted by MANGOCITY FRESH NEWS August 10, 2021

गावठी दारू बाळगणाऱ्या महिलांविरोधात गुन्हा दाखल

रत्नागिरी:तालुक्यातील ओरी, निवळी आणि नेवर याठिकाणी बेकायदेशीरपणे गावठी हातभट्टीची सुमारे १ हजार ३२० रुपयांची २५ लिटर दारू विक्रीसाठी बागळल्याप्रकरणी तीन महिलांविरोधात ग्रामीण पोलिस ठाण्यात गुन्हा दाखल करण्यात आला आहे. हीकारवाई रविवार दि. ८ ऑगस्ट रोजी दुपारी ३ ते सायंकाळी ७ वा.कालावधीत करण्यात आल्या. प्रमिला प्रभाकर जाधव (रा. ओरी बौद्धवाडी, रत्नागिरी), मीनाक्षी दीपक सावंत (४५, रा.निवळी बावनदी बौद्धवाडी, रत्नागिरी) आणि सुहासिनी जनार्दन आढाव (७०, रा. नेवरे मुरुगवाडा, रत्नागिरी) अशी गुन्हा दाखल करण्यात आलेल्या संशयित महिलांची नावे आहेत. त्यांनी ग्रामीण पोलिस ठाण्याच्या हद्दीतील तीन ठिकाणी बेकायदेशिरपणे गावठी हातभट्टीची दारू विक्रीसाठी आपल्या ताब्यात ठेवल्याप्रकरणी हे गुन्हे दाखल करण्यात आले आहेत. याप्रकरणी अधिक तपास ग्रामीण पोलिस करत आहेत.