दुचाकीवरील दोन जणांचा जागीच मृत्यू

दुचाकीवरील दोन जणांचा जागीच मृत्यू

नागपूर : नागपूर शहरात भीषण अपघात झाल्याची माहिती समोर येत आहे. मिळालेल्या माहितीनुसार, कटोल रोडवर भरधाव वेगात असलेल्या ट्रकने मोटारसायकलला जोरदार धडक दिली. यामध्ये दुचाकीवरील दोन जणांचा जागीच मृत्यू झाला असून नऊ वर्षाच्या मुलास गंभीर दुखापत झाली असल्याची माहिती देण्यात आली आहे. पोलिसांनी शनिवारी यासंबंधी माहिती दिली. सतनामसिंग अंधरेले (वय 50) आणि त्यांची मेव्हणी मुन्नी कौर अंधरेले (वय 45) अशी मृतांची नावे आहेत. पोलिसांनी दिलेल्या माहितीनुसार, हे दोघे वर्धा जिल्ह्यातील रहिवासी आहेत. या अपघातात सतनाम सिंगचा पुतण्या सुलिदर सिंग गंभीर जखमी झाला आहे. तिघे बाईकवरून परसोडी गावी जात असताना ही घटना घडली. या प्रकरणात पोलिसांनी निष्काळजीपणाने वाहन चालवल्याचा गुन्हा दाखल करून तपास सुरू केला आहे.अपघाताची माहिती मिळताच पोलीस घटनास्थळी दाखल झाले. घटनास्थळावरून दोघांचे मृतदेह ताब्यात घेण्यात आले व ते शवविच्छेदनासाठी नजिकच्या स्थानिक रुग्णालयात पाठवण्यात आले. जखमी सुलिदर सिंगवरही रुग्णालयात उपचार सुरू आहेत. तर या अपघाताचा पोलीस पुढील तपास करत आहेत.

.......................................

२ लाख हून अधिक वाचक
५००+ व्हॉट्सॲप ग्रुप
ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 844844025