द्वारा पोस्ट केलेले MANGOCITY FRESH NEWS जून २४, २०२१

गणेशखिंड येथे गुरांची बेकायदा वाहतूक करणारी टोळी पकडली; २१ जनावरांसह टेम्पो जप्त

चिपळूण : चिपळूण-गुहागर मार्गावरील गणेशखिंड चेकपोस्ट येथे गुरांची बेकायदा वाहतूक करणारी टोळी पोलिसांनी पकडली आहे. यामध्ये ६ लाख ७० हजारांचा ऐवज जप्त करण्यात आला असून एकूण २१ जनावरे सापडली आहेत. ही घटना दि. २२रोजी मध्यरात्री ३.३० च्या दरम्यान घडली. या बाबत महेंद्र केतकर यांनी चिपळूण पोलिस ठाण्यात फिर्याद दिली आहे. त्यानुसार चन्नाप्पा पांडुरंग कोकरे (४५, रा. बोरगाव, ता. वाळवा, जि. सांगली), इस्माईल हाजी जातकार (२५, रा. कुडची-बेळगाव), मोहम्मद दादन शेख (२६, रा. बेळगाव), अल्ताफ पापुलशेख (२३, रा. बेळगाव), रमजान कादीर शेख (२०, बेळगाव), सलीमलाल साहब जातकार (बेळगाव) यांना अटक करण्यात आली आहे. याबाबत पोलिसांनी दिलेल्या माहितीनुसार, या सहा जणांनी टेम्पोतून २१ गुरे टेम्पोच्या हौद्यामध्ये भरून बेकायदा कत्तलीसाठी नेत असताना आढळून आले. चिपळूण ते उगार (जि. बेळगाव) अशी गुरांची वाहतूक ते करणार होते. गणेशखिंड येथे त्यांना पोलिसांनी रोखले. यानंतर ही तस्करी उघड झाली. अधिक तपास चिपळूण पोलिस करीत आहेत