द्वारा पोस्ट केलेले MANGOCITY FRESH NEWS जून २४, २०२१

खासदार विनायक राऊत चिपळूण दौऱ्यावर

चिपळूण : चिपळूण तालुका शिवसेनेसह नगर परिषद अंतर्गत सुरू असलेले शिवसेनेतील वाद आणि गटबाजी अखेर शिवसेनेचे सरचिटणीस, खा. विनायक राऊत यांच्यापर्यंत पोहोचला असून संघटना अंतर्गत सुरू असलेली गटबाजी आणि वाद याबाबत काही शिवसैनिक व पदाधिकाऱ्यांनी जाऊन त्यांच्याजवळ तक्रारी केल्या आहेत. न.प.अंतर्गत सुरू असलेली गटबाजीचे वाद काही महिला नगरसेवकांनी खा. राऊत यांच्या कानावर घातले आहेत. लवकरच या विषयावर तोडगा काढण्यासाठी खा. विनायक राऊत यांनी बैठकीचे आयोजन केले आहे. खा. विनायक राऊत हे दि. २५ व २६ रोजी चिपळूण दौऱ्यावर येत आहेत.