द्वारा पोस्ट केलेले MANGOCITY FRESH NEWS जून २१, २०२१

जिल्ह्यातील ३० धरणांवर २४ तास करडी नजर

रत्नागिरी : जिल्ह्यात गेले काही दिवस मुसळधार पावसाने धुमाकूळ घातला. अतिवृष्टीमध्ये धरणे ओव्हर फ्लो होतात आणि किनारी भागातील नागरिकांना धोका निर्माण होतो. यासाठी पाटबंधारे विभागाकडून जिल्ह्यातील ३० धरणांवर २४ तास करडी नजर ठेवली आहे. रिक्त पदांमुळे नियमित कर्मचारी नेमणे शक्य नसल्याने कंत्राटी पध्दतीने सुमारे तीस जणांची पाच महिन्यांसाठी नियुक्ती केली आहे. चिपळूण तालुक्यातील तिवरे धरण फुटीचा प्रकार पुन्हा घडू नये, यासाठी पाटबंधारे विभागातर्फे पावसाळ्यात विशेष नियोजन केले जाते.