द्वारा पोस्ट केलेले MANGOCITY FRESH NEWS जून २८, २०२१

रत्नागिरीत 3 किलो ब्राऊन शुगर जप्त

रत्नागिरी : शहरानजीकच्या टीआरपी येथील कोकण रेल्वे पुलानजीक एका तरुणाकडून ३१ हजार ८५० रुपयांचा ३ किलो ३४ ग्रॅम ब्राऊन शुगर हा अमली पदार्थ आणि इतर मुद्देमाल असा एकूण ४१ हजार ९३० रुपयांचा मुद्देमाल रविवारी जप्त करण्यात आला. ही कारवाई स्थानिक गुन्हा अन्वेषण शाखेने केली. फैजान निसार हाजू (२६) असे अटक करण्यात आलेल्या तरुणाचे नाव आहे. त्याच्या विरोधात कलम ८ (क),२२ (अ) एन. डी. पी. एस. कायद्यानुसार शहर पोलिस ठाण्यात गुन्हा दाखल करण्यात आला असून अटकेनंतर न्यायालयाने त्याला दोन दिवसांची पोलीस कोठडी सुनावली. या गुन्ह्याचा तपास पोलिस उपनिरीक्षक आकाश साळूंखे करत असून, ही कारवाई जिल्हा पोलीस अधीक्षक डॉ.मोहितकुमार गर्ग यांच्या मार्गदर्शनाखाली स्थानिक गुन्हे अन्वेषण शाखेचे पोलिस उपनिरीक्षक विकास चव्हाण, पोलिस हेडकॉ. शांताराम झोरे, सुभाष भागणे, नितीन डोमणे, मिलिंद कदम, प्रशांत बोरकर, अरुण चाळके, बाळू पालकर, संजय जाधव, पोलिस नाईक विजय आंबेकर, अमोल भोसले, सागर साळवी, पोलिस अंमलदार अक्षय कांबळे यांनी केली.