मुलाला मिठीत घेऊन आई-वडिलांनी नदीत उडी मारून केली आत्महत्या

 मुलाला मिठीत घेऊन आई-वडिलांनी नदीत उडी मारून केली आत्महत्या

 कोल्हापूर: 'मुलीला आणि वडिलांना सांभाळा,' अशी चिठ्ठी लिहून घराबाहेर पडले आणि आपल्या मुलाला मिठीत घेऊन आई-वडिलांनी रात्री अंधारातच कुंभी नदीत उडी मारून आत्महत्या केली. ही हृदयद्रावक घटना कोल्हापुरातील पन्हाळा तालुक्यात घडली. गोठे येथे घडलेल्या या घटनेने परिसरावर शोककळा पसरली आहे. दीपक शंकर पाटील (४०), वैशाली दीपक पाटील (३५) आणि विघ्नेश अशी मृतांची नावे आहेत.दीपक पाटील हे पत्नी, दोन मुलांसह गोठे येथे राहात होते. आईचे निधन झाले असून, त्यांच्यासोबत वडीलही राहतात. शेतीबरोबरच पशूपालन व्यवसाय करत हे कुटुंब आनंदात राहात होते. मात्र, गुरुवारी रात्री दीपक पाटील आपल्या पत्नी आणि मुलासह घराबाहेर पडले. त्यांनी गावाजवळ असलेल्या कुंभी नदीत उडी मारली. आई-वडिलांनी आपल्या १३ वर्षाच्या मुलाला सोबत दोरीने घट्ट बांधले होते. तिघांनी एकमेकांना मिठी मारली होती.सकाळी वडिलांना जाग आल्यानंतर घरात मुलगा, सून आणि नातू नसल्याचे त्यांच्या निदर्शनास आले. त्यांनी शेजारी, नातेवाइकांकडे चौकशी करण्यास सुरुवात केली. पण, कुठेच त्यांना माहिती मिळेना. ग्रामस्थांनी शोध घेण्यास सुरुवात केली. सकाळी साडे नऊ वाजता तिघांचे मृतदेह कुंभी नदीच्या पात्रात तरंगताना दिसले. गावातील तरूणांनी त्यांचे मृतदेह बाहेर काढले. पोलिसांनी घटनास्थळी जाऊन पंचनामा केला. आत्महत्येचे नेमके कारण अजून स्पष्ट झाले नाही.दीपक यांना एक मुलगी असून ती आठवीत शिकत आहे. परीक्षा रद्द झाल्याने ती चारच दिवसांपूर्वी मामाकडे राहायला गेली होती. त्यामुळे ती वाचली. आत्महत्येपूर्वी त्याने चिठ्ठी लिहून ठेवली होती. जीवनात अपयशी ठरल्याने आत्महत्या करत असल्याचे त्यात नमूद केले आहे. आपल्या वडिलांना आणि मुलीला सांभाळा अशी विनंतीही या चिठ्ठीतून त्याने आपल्या मित्रांना केली आहे. या घटनेने परिसरावर शोककळा पसरली आहे.

.......................................

२ लाख हून अधिक वाचक

५००+ व्हॉट्सॲप ग्रुप

ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 8448440256  / 952950112