नवरा-नवरी स्टेजवर असतानाच अचानक पोलीस पोहोचले अन्...

 नवरा-नवरी स्टेजवर असतानाच अचानक पोलीस पोहोचले अन्...

अमरावती: जिल्ह्यातील पिंपळखुटा अर्मळ येथे एका अल्पवयीन मुलीचा विवाह संपन्न झाला होता. वर आणि वधू दोघेही स्टेजवर असतानाच पोलीस आणि महिला व बालविकास अधिकाऱ्यांचे पथक तेथे पोहोचले. या प्रकरणी वरासह त्याचे आणि वधूचे नातेवाइक, तसेच लग्नात उपस्थित असणाऱ्या वऱ्हाड्यांविरोधातही गुन्हा दाखल करण्यात आला,फ्रेजरपुरा पोलीस ठाण्याच्या हद्दीतील पिंपळखुटा अर्मळ गावात हा प्रकार उघडकीस आला. पिंपळखुटा अर्मळ येथील १७ वर्षीय मुलीचे लग्न वाशिम जिल्ह्यातील कारंजा तालुक्यातील भडशिवणी गावातील २५ वर्षीय तरुणासोबत ठरले होते. त्यानुसार, वराकडील मंडळी मंगळवारी भडशिवणीवरुन वधूच्या घरी म्हणजे पिंपळखुटा येथे पोहोचले. सकाळी ११ वाजता विवाहसोहळा पार पडला. दरम्यान ही माहिती चाइल्ड लाइनच्या सदस्यांना दूरध्वनीद्वारे मिळाली होती. त्यांनी महिला व बालविकास विभागाचे जिल्हा बाल सरंक्षण अधिकारी अजय डबले यांना ही माहिती दिली.त्यानुसार चाइल्ड लाइन सदस्य, फ्रेजरपुरा पोलीस आणि बाल सरंक्षण अधिकाऱ्यांचे पथक मंगळवारी दुपारी साडेबारा वाजता पिंपळखुटा गावात पोहोचले. मुलीच्या घरासमोरील मंडपात लग्न सोहळा पार पडला होता. वर आणि वधू स्टेजवर बसले होते. अधिकाऱ्यांनी वधूला तिचे वय विचारले. आपले वय १७ वर्षे ३ महिने असल्याचे तिने सांगितले. त्यामुळे बाल संरक्षण अधिकारी यांच्या तक्रारीवरून फ्रेजरपुरा पोलिसांनी वर, त्याचे आई-वडील, वधूचे पालक, नातेवाईक  आणि ३० ते ४० वऱ्हाड्यांविरोधात गुन्हा दाखल केला. या प्रकरणी पुढील तपास सुरू आहे.

.......................................

२ लाख हून अधिक वाचक

५००+ व्हॉट्सॲप ग्रुप

ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 8448440256  / 952950112