सवणस येथे सक्शन पंप द्वारे दररोज लाखोंची वाळू चोरी

 सवणस येथे सक्शन पंप द्वारे दररोज लाखोंची वाळू चोरी

जगबुडी नदीपात्रात राजरोस उपसा:महसूल यंत्रणा गप्प

खेड :-तालुक्यातील सवणस येथील दर्ग्या समोर जगबुडी नदी पात्रात  दररोज सक्शन पंप लावून राजरोसपणे लाखो रुपयांची वाळू चोरी होत आहे. त्यामुळे शासनाचा महसूल बुडत असताना येथील तहसीलदार, उपविभागीय अधिकारी, स्थानिक तलाठी व मंडळधिकारी याकडे दुर्लक्ष करत असल्याची चर्चा आहे.खेड तालुक्यातील  बहिरवली खाडीपट्ट्यात वाळू चोर उन्मद झाले असून राजरोसपणे सुमारे एक ते दोन किलोमीटर लांबीचे रस्ते खेड-बहिरवली मुख्य रस्त्यापासून जगबुडी नदी किनाऱ्यापर्यंत काढून तेथे अवैध वाळू उपसा करण्याचे काम सध्या सुरू आहे. तालुक्यातील सवणस येथील दर्ग्या समोर जगबुडी नदी पत्रात व किनाऱ्यावर विशिष्ट्य रचना करून सक्शन पंप होडीत ठेवून त्याद्वारे दररोज शेकडो ब्रास वाळूचा उपसा केला जात आहे. ही वाळू जगबुडी नदी किनाऱ्यापासून मुख्य खेड-बहिरवली मार्गपर्यंत तयार करण्यात आलेल्या कच्या रस्त्यावरून डंपर व ट्रॅक्टर यांच्या साहाय्याने वाहतूक करून आणून पुढे सवणस व परिसरात काही ठिकाणी साठा करून त्याची खेड व दापोली तालुक्यात चढ्या भावाने विक्री केली जात आहे. शासनाला स्वामित्व धन न भरता हा सगळा प्रकार राजरोसपणे सुरू असताना स्थानिक महसूल यंत्रणा त्याकडे दुर्लक्ष करत आहे. या प्रकारात स्थानिक महसूल यंत्रणेचे अधिकारी देखील डोळे झाक करतात अशी चर्चा  असून जिल्हाधिकारी यांनी ताडीने या सक्शन पंप वर कारवाई करावी व अवैधरित्या उपसा करून सवणस व परिसरातील गावामध्ये साठा करून ठेवलेली वाळू जप्त करावी व गुन्हा दाखल करावा अशी मागणी होत आहे

........................................

२ लाख हून अधिक वाचक

५००+ व्हॉट्सॲप ग्रुप
ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 8448440256  / 952950112