लग्नाचे आमिष दाखवत अल्पवयीन मुलीवर लादले मातृत्व; आरोपीला 10 वर्षे सक्तमजुरी

 लग्नाचे आमिष दाखवत अल्पवयीन मुलीवर लादले मातृत्व; आरोपीला 10 वर्षे सक्तमजुरी 

रत्नागिरी:- तालुक्यातील देवरुख परिसरातील अल्पवयीन मुलीला लग्नाचे आमिष दाखवून तिच्याशी संबंध प्रस्थापित केेेले. यातून ती गर्भवती राहिल्यावर तिला मित्राच्या मदतीने गर्भपाताच्या गोळ्या देऊन तिचा गर्भपात केला. याप्रकरणातील आरोपीला न्यायालयाने सोमवारी 10 वर्षे सक्तमजुरी आणि 20 हजार रुपये दंडाची शिक्षा सुनावली. ही घटना 4 जानेवारी 2019 ते 5 एप्रिल 2019 या कालावधीत घडली आहे.सौरभ सुनिल पागार (23,रा.पाटगाव संगमेश्वर,रत्नागिरी) असे शिक्षा सुनावण्यात आलेल्या आरोपीचे नाव आहे. तर सौरभला या गुन्ह्यात गर्भपाताच्या गोळ्या आणून देणारा त्याचा मित्र बेलाराम उर्फ विकि दलाराम देवाशी (24,रा.राजस्थान) याची गुन्हा सिध्द न झाल्याने मुक्तता करण्यात आली. याबाबत पिडीतेच्या नातेवाईकांनी  देवरुख पोलिस ठाण्यात तक्रार दिली होती.त्यानुसार,सौरभ आणि पिडीतेमध्ये मैत्रीचे संबंध होते. यातूनच त्याने तिला लग्नाचे आमिष दाखवून वेळोवेळी तिच्याशी शारीरिक संबंध प्रस्थापित केल्याने ती गर्भवती राहिली. सौरभला हे समजताच त्याने मित्र बेलारामच्या मदतीने पिडीतेला गर्भपाताच्या गोळ्या देऊन तिचा गर्भपात केला.दरम्यान, ही बाब पिडीतेच्या नातेवाईकांना समजताच त्यांनी तातडीने याबाबत देवरुख पोलिस ठाण्यात तक्रार दिली होती.देवरुख पोलिस ठाण्याच्या पोलिस निरीक्षक अस्मिता पाटील यांनी सौरभवर भादंवि कलम 376,(2), (जे), (एन) ,312,201,34 आणि पोक्सो कलम 3 व 4 प्रमाणे गुन्हा दाखल केला.तसेच त्याचा मित्र बेलारामवर गुन्ह्यात मदत केल्याप्रकरणी भादंवि कलम 201,34 प्रमाणे गुन्हा दाखल करुन न्यायालयात दोषारोपपत्र दाखल केले होते.गेली दोन वर्षे हा खटला न्यायालयात सुरु होता.या खटल्यात सरकारी पक्षातर्फे अ‍ॅड. मेघना नलावडे यांनी काम पाहिले असून 15 साक्षीदार तपासले.सोमवारी या खटल्याचा निकाल देताना न्यायाधिश व्ही.ए.राऊत यांनी दोन्ही बाजुचा युक्तीवाद व दाखल केस लॉ विचारात घेउन भादंवि कलम 376 नुसार सौरभला 10 वर्षे सक्तमजुरी आणि 10 हजार रुपये दंड तो न भरल्यास 1 वर्षे सक्तमजुरी तसेच पोक्सो कलम 3 व 4 नुसार 7 वर्षे सक्तमजुरी आणि 10 हजार रुपये दंड तो न भरल्यास 1 वर्षे सक्तमजुरीची शिक्षा सुनावली. या दोन्ही शिक्षा त्याला एकत्रितरित्या भोगाव्या लागणार आहेत.

........................................

२ लाख हून अधिक वाचक

५००+ व्हॉट्सॲप ग्रुप
ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 8448440256  / 952950112