करोना लसीच्या डोसमधील अंतरामुळे फायदा!

कोव्हिशील्ड या करोना प्रतिबंधक लशीच्या दोन्ही डोसमध्ये सहा ते आठ आठवड्यांचे अंतर असल्यास करोनाविरोधी प्रतिपिंडे (अँटीबॉडी) ८० टक्क्यांपर्यंत वाढण्यास मदत मिळेल. त्यामुळे कोव्हिशील्ड लशीचा दुसरा डोस घेण्याची मुदत वाढविण्याची केंद्र सरकारची सूचना योग्य आहे, असे मत तज्ज्ञांनी व्यक्त केले.ऑक्सफर्ड विद्यापीठाने विकसित केलेल्या कोव्हिशील्ड लशीचा दुसरा डोस २८ दिवसांच्या अंतराऐवजी सहा ते आठ आठवड्यांच्या अंतराने घेण्याच्या सूचना केंद्र सरकारने सर्व राज्ये आणि केंद्रशासित प्रदेशांना केल्या आहेत. त्याचे तज्ज्ञांनी स्वागत केले आहे.

परमबीर पत्र प्रकरण:बदनामी टाळण्यासाठी ठाकरे सरकार घेणार 'हा' निर्णय!

ब्रिटनमधील ऑक्सफर्ड विद्यापीठातील मेरी-क्युरी मेडिकल सायन्स डिव्हिजनचे शास्त्रज्ञ डॉ. नानासाहेब थोरात म्हणाले, 'ऑक्सफर्डने विकसित केलेल्या कोव्हिशील्डच्या तिसऱ्या टप्प्यातील चाचण्यांदरम्यान काही स्वयंसेवकांना २८ दिवसांनी, तर काही स्वयंसेवकांना दोन-तीन महिन्यांनी लशीचा दुसरा डोस देण्यात आला. त्यामध्ये डोसमधील अंतर वाढविल्यानंतर लस ८० टक्के परिणामकारक ठरत असल्याचे आढळून आले. त्या आधारे यूकेमध्ये कोव्हिशील्ड लशीच्या दोन्ही डोसमध्ये बारा आठवड्यांचे अंतर निश्चित करण्यात आले आहे.'

राजापूरातील सौंदळ गावात होतेय विनापरवाना खैर तोड

ज्येष्ठ फिजिशियन डॉ. अविनाश भोंडवे म्हणाले, 'कोव्हिशील्ड लशीचा पहिला डोस घेतल्यानंतर चौदा दिवसांनंतर शरीरात प्रतिपिंडे तयार व्हायला सुरुवात होते. २८ दिवसानंतर शरीरात पन्नास टक्के प्रतिपिंडे निर्माण होतात. सहा ते आठ आठवड्यांच्या कालावधीत ती आणखी वाढतात. अशा वेळी लशीचा दुसरा डोस (बूस्टर डोस) घेतल्यानंतर शरीरात ८० ते ९० टक्के प्रतिपिंडे निर्माण होण्यास मदत मिळेल. त्यामुळे लशींच्या दोन्ही डोसमधील अंतर वाढविण्याचा निर्णय योग्य आहे.'

बूस्टर डोसनंतर 'मेमरी सेल'

लशीचा दुसरा डोस घेतल्यानंतर शरीरात करोनाविरोधी प्रतिपिंडे निर्माण होतात. कालांतराने ही प्रतिपिंडे कमी झाली, तरी त्याच्या मेमरी सेल प्रतिकारशक्ती प्रणालीत असतात. त्यामुळे करोनाचा विषाणू शरीरात आल्यानंतर या 'मेमरी सेल' लगेच प्रतिपिंडे तयार करतात, असे डॉ. नानासाहेब थोरात यांनी सांगितले.

नियमांचे पालन आवश्यकच

करोना प्रतिबंधक लस घेतल्यानंतर प्रतिकारशक्ती निर्माण होण्यास काही कालावधी लागतो. या कालावधीत मास्क आणि सुरक्षित वावराच्या करोना प्रतिबंधक नियमांचे पालन आवश्यकच असल्याचे तज्ज्ञांनी सांगितले.

.......................................

२ लाख हून अधिक वाचक

५००+ व्हॉट्सॲप ग्रुप
ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 8448440256  / 9529501121