रत्नागिरी पोलिसांची कौतुकास्पद कामगिरी, तेलंगणातील वृद्धाची कुटुंबाशी घडवली भेट

  रत्नागिरी पोलिसांची कौतुकास्पद कामगिरी, तेलंगणातील वृद्धाची कुटुंबाशी घडवली भेट

 रत्नागिरी : तेलंगणातून अंजनवेल (ता. गुहागर) येथे बेवारसरीत्या फिरत असलेल्या मनोरुग्ण वृद्धाच्या कुटुंबीयांचा शोध घेऊन त्याला त्याच्या कुटुंबीयांकडे सुपूर्द करण्याची कामगिरी रत्नागिरी पोलिसांनी पार पाडली. अंजनवेल येथील आरजापीपीएल कंपनीजवळील बसस्टॉपच्या शेडमध्ये राहणार्या वृद्धाचे वैकन्ना वीरय्या वरीकोपल्ला (वय ५८, रा. ग्राम आक्रोम, जि. नालगोंडा, तेलंगणा) असे नाव आहे. गेल्या अनेक महिन्यांपासून तो विमनस्क अवस्थेत कंपनीजवळील शेडमध्ये राहत असल्याचे तेथील सुरक्षा अधिकार्यां्च्या निदर्शनास आले. वैकन्नाला फक्त तेलगू भाषा येत असून कंपनीत तेलगू भाषा येणार्याथ स्टाफने त्याची चौकशी करून याबाबतची माहिती जिल्हा पोलीस अधीक्षक डॉ. मोहितकुमार गर्ग यांना दिली. त्यानंतर स्थानिक गुन्हे अन्वेषण शाखेने त्या वृद्धाच्या नातेवाईकांचा शोध घेण्यासाठी तेलंगणा राज्यातील पोलिसांशी संपर्क साधला. दरम्यान, स्थानिक गुन्हे अन्वेषण शाखेने रत्नागिरीतील राजरत्न प्रतिष्ठानचे सचिन शिंदे यांच्याशी संपर्क साधून वैकन्नाला गुहागरहून रत्नागिरीत आणण्यास सांगितले. वैकन्ना मनोरुग्ण असल्याचे लक्षात येताच त्याला प्रादेशिक मनोरुग्णालयात दाखल करण्यात आले. याच कालावधीत मोबाइलवर नातेवाईकांशी संपर्क करून त्याची ओळख पटल्यावर त्याचे नातेवाईक रत्नागिरीमध्ये आले. त्यांनी प्रादेशिक मनोरुग्णालयात जाउन त्याला ओळखून आपल्यासोबत हैदराबादला नेले. वैकन्नाच्या मुलींना मराठी किंवा हिंदी भाषा येत नव्हती. त्यांना फक्त तेलगू भाषा येत होती. परंतु त्यांच्या चेहर्यानवरून रत्नागिरी पोलिसांबाबत असलेले कृतज्ञतेचे भाव ओळखून येत होते. वैकन्नाच्या नातेवाईकांचा शोध घेण्यास पोलीस अधीक्षक डॉ. मोहितकुमार गर्ग यांच्या मार्गदर्शनाखाली स्थानिक गुन्हे अन्वेषण शाखेचे पोलिस हवालदार शांताराम झोरे आणि नितीन डोमणे यांनी सहभाग घेतला. राजरत्न प्रतिष्ठानचे सचिन शिंदे यांनी महत्त्वाचे सहकार्य केले. पोलिसांच्या या कामगिरीचे कौतुक होत आहे.

........................................

२ लाख हून अधिक वाचक
५००+ व्हॉट्सॲप ग्रुप
ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 8448440256  / 9529501121