कच्चे तेल झाले स्वस्त; पेट्रोल आणि डिझेलबाबत कंपन्यांनी घेतला हा निर्णय

 कच्चे तेल झाले स्वस्त; पेट्रोल आणि डिझेलबाबत कंपन्यांनी घेतला हा निर्णय

मुंबई : जागतिक बाजारात कच्च्या तेलाचा किमतीत घसरण होत आहे. त्यामुळे पेट्रोलियम कंपन्यांनी मंगळवारी इंधन दर कपात केली होती. आज मात्र बुधवारी कंपन्यांनी इंधन दर स्थिर ठेवले. पेट्रोल आणि डिझेलची किंमत आज जैसे थेच आहे.सलग चार दिवस इंधन दर स्थिर ठेवल्यानंतर पेट्रोलियम कंपन्यांकडून मंगळवारी पेट्रोल आणि डिझेलचा दर कमी केला होता. तर आज इंधन दर स्थिर ठेवेल. आज बुधवारी मुंबईत पेट्रोलचा भाव ९६.९८ रुपये आहे. डिझेलचा भाव ८७.९६ रुपये आहे. दिल्लीत आज एक लीटर पेट्रोल ९०.५६ रुपये आहे. डिझेलचा भाव ८०.८७ रुपये झाला आहे. चेन्नईत आजचा पेट्रोलचा भाव ९२.५८ रुपये झाला आहे. डिझेलसाठी ८५.८८ रुपये भाव आहे.आज बुधवारी कोलकात्यात पेट्रोलचा भाव ९०.७७ रुपये झाला आहे. डिझेलचा भाव ८३.७५ रुपये आहे. बंगळुरात पेट्रोल ९३.५९ रुपये असून डिझेल ८५.७५ रुपये झाला आहे. मध्य प्रदेशातील भोपाळमध्ये आतापर्यंतचा डिझेलचा सर्वाधिक ८९.१३ रुपयांचा विक्रमी दर आहे. तर पेट्रोल दर ९८.५८ रुपये आहे.जागतिक बाजारात कच्च्या तेलाचा भाव कमी झाला आहे. आज सिंगापूरमध्ये ब्रेंट क्रूडचा भाव ०.९८ डॉलरने घसरला. ब्रेंट क्रूडचा भाव प्रती बॅरल ६४.१४ डॉलर झाला. तर डब्ल्यूटीआय क्रूडचा भाव १. ३२ डॉलरच्या घसरणीसह ६०.५० डॉलर झाला. २६ मार्च रोजी संपलेल्या आठवड्यात अमेरिकेतील कच्च्या तेलाचा साठा ३.९१० दशलक्ष बॅरल आहे.

........................................

२ लाख हून अधिक वाचक
५००+ व्हॉट्सॲप ग्रुप
ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 8448440256  / 952950112