ही कविता नसून औषध आहे: डिप्रेशन मधून बाहेर पडण्यासाठी!!!माणूस काय करतो ?-दैनिक फ्रेश न्यूज:साहित्य सहवास

 माणूस काय करतो ?

कुढतो जास्त ,

अन रडतो कमी !

म्हणून त्याचं हृदय ,

धडधडत असतं नेहमी !

बोलणं कमी झाल्यामुळे,

प्रश्न निर्माण झालेत !

सारं काही असूनही ,

एकलकोंडे  झालेत !

भावनांचा कोंडमारा ,

होऊ देऊ नका !

हसणं आणि रडणं ,

दाबून ठेऊ नका !

आपल्या माणसांजवळ ,

व्यक्त झालं पाहिजे !

खरं खरं दुःख सांगून ,

मोकळं रडलं पाहिजे !

हसण्याने , रडण्याने ,

दबाव होतो कमी !

भावनांचा निचरा ,

ही Fresh होण्याची हमी !

कुणाशी तरी बोला म्हणजे ,

हलकं हलकं वाटेल,

दुःख जरी असलं तरी ,

मस्त जगावं वाटेल !

येऊद्यानं कंठ दाटून ,

काय फरक पडतो  ?

आपल्या माणसाजवळच,

गळ्यात पडून रडतो !

आपली माणसं , आपली माणसं,

बाजारात मिळत नसतात !

नाती-गोती जपून ती ,

निर्माण करावी लागतात !

भौतिक साधनं जमवू नका ,

आपली माणसं जमवा !

नाहीतर तुम्ही गरीब आहात ,

कितीही संपत्ती कमवा !

हाय , हॅलो चे मित्र बाबा ,

काही कामाचे नसतात !

तुझी पाठ वळली की ,

कुत्सितपणे हसतात !

हसण्यासाठी , रडण्यासाठी ,

माणसं जपून ठेव !

नाहीतर मग घरात एखादा ,

"रोबोट "तरी  आणून ठेव !

रोबोटच्याच गळ्यात पडून ,

हसत जा , रडत जा !

शांत झोप येण्यासाठी ,

दररोज गोळ्या घेत जा !

दुःख उरात दाबून वेड्या ,

झोप येत नसते !

हसत खेळत जगण्यासाठी 

माणसांचीच गरज असते ,

इथून पुढे भिशी कर ,

हसण्याची अन रडण्याची !

हीच खरी औषधं आहेत ,

डिप्रेशनच्या बाहेर पडण्याची !!

                  

डॉ. Ratnakar kendre       

एम डी मानसोपचारतज्ज्ञ

 फ्रेश न्यूज साहित्य सहवास 
फ्रेश न्यूज वार्षिक कविता प्रिंटेड विशेषांक पोस्टल खरचा सहित : 600/-

२ लाख हून अधिक वाचक
५००+ व्हॉट्सॲप ग्रुप
ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 8448440256