पर्यटकांची वर्दळ लाखोंची उलाढाल

 रत्नागिरी: दिवाळी पाडव्याच्या मुहूर्तावर मंदिरे दर्शनासाठी खुली केल्यामुळे धार्मिक पर्यटनस्थळी दर्शनातुर भक्तांची गर्दी वाढली. प्रसिद्ध गणपतीपुळेमध्ये गेल्या दोन दिवसात आठ हजाराहून अधिक पर्यटकांनी हजेरी लावली. किनारे फुलल्यामुळे परिसरातील छोट्या-मोठ्या व्यावसायिकांचे चेहरे खुलले आहेत. गुजरातसह पुणे, कोल्हापूर, सातारा, सांगलीतील पर्यटकांनी हजेरी लावली. तीन दिवसात दहा हजार पर्यटकांनी हजेरी लावली असून सुमारे पंधरा ते वीस लाखांची उलाढाल झाल्याचा अंदाज आहे.