सामान्यांसाठी मोठी बातमी! ऑक्टोबर महिन्यात असे असणार LPG घरगुती गॅसचे दर

ऑगस्ट आणि सप्टेंबरनंतर सलग तिसऱ्या महिन्यात एलपीजी गॅस सिलेंडरच्या किंमतीबाबत (LPG Gas Cylinder Price 01 October 2020) ग्राहकांना मोठा दिलासा देण्यात आला आहे. तेल मार्केटिंग कंपन्यांनी  (HPCL, BPCL, IOC) एलपीजी घरगुती गॅस सिलेंडरच्या किंमतीत कोणताही बदल केला नाही आहे. दिल्लीमध्ये 14.2 किलोग्रॅम बिना सबसिडीच्या घरगुती गॅस सिलेंडरची किंमत 594 रुपयांवर स्थीर आहे. मुंबईमध्ये देखील या गॅस सिलेंडरची किंमत 594 रुपये आहे. दरम्यान 19 किलोग्रॅमच्या सिलेंडरच्या किंमतीत वाढ झाली आहे. IOC च्या वेबसाइटनुसार हे दर आहेत.

याआधी जुलै महिन्यात 14 किलोग्रॅमच्या घरगुती गॅस सिलेंडरची किंमत 4 रुपयांनी वाढवण्यात आली होती. जून महिन्यात 14.2 किलोग्रॅम बिना-सबसिडीचा सिलेंडर 11.50 रुपयांनी महागला होता.देशातील सर्वात मोठी तेल मार्कटिंग कंपनी IOC च्या वेबसाइटनुसार सिलेंडरच्या किंमती स्थीर आहेत. सबसिडी नसणाऱ्या 14.2 किलोग्रॅम घरगुती गॅस सिलेंडरची किंमत मुंबईमध्ये 594 रुपये, दिल्लीमध्ये देखील 594 रुपये, चेन्नईमध्ये 610 रुपये तर कोलकातामध्ये 620.50 रुपये प्रति सिलेंडर आहे.

मुंबई-  मुंबईमध्ये या घरगुती सिलेंडरची किंमत 24.50 रुपयांनी वाढून दर 1089 रुपयांवरून 1113.50 रुपयांवर पोहोचले आहेत

चेन्नई- याठिकाणी या घरगुती सिलेंडरची किंमत 26  रुपयांनी वाढून दर 1250 रुपयांवरून 1276 रुपयांवर पोहोचले आहेत