जैतापूर गावाला कायमस्वरुपी तारतंत्री मिळावा, ग्रामपंचायतीच्या वतीने आमदार राजन साळवी यांच्याकडे कैफियत

राजापूर तालुक्यातील जैतापूर गावाला कायमस्वरुपी तारतंत्री मिळावा अशी मागणी ग्रामपंचायतीच्या वतीने सरपंच रेखा कोंडेकर व ग्रामपंचायत सदस्य सर्फराज काझी यांनी आमदार राजन साळवी यांच्याकडे कैफियत मांडली. यावेळी आमदार राजन साळवींनी तात्काळ महावितरणचे अधिक्षक अभियंता श्री.बेले यांच्याशी संपर्क साधून जैतापूर गावासाठी तात्काळ प्रशिक्षित तारतंत्री उपलब्ध करुन द्यावा. यामुळे या भागातील विज पुरवठ्याबाबतच्या समस्या तात्काळ सुटू शकतील. जैतापूर ग्रामपंचायतीने सतत केलेल्या पाठपुराव्यामुळे आमदार राजन साळवी यांनी तात्काळ महावितरणशी संपर्क साधून तारतंत्रीबाबत आवश्यक त्या सुचना केल्या. याबद्दल ग्रामस्थांच्या वतीने आभार मानण्यात येत आहेत.