कोकण रेल्वेच्या विशेष दोन गाड्या

दसऱ्याच्या निमित्ताने नागपूर आणि पुण्याहून कोकण रेल्वेमार्गाने मडगावला जाणाऱ्या विशेष गाड्या धावणार आहेत. या गाड्या येत्या शुक्रवारपासून (दि. २३ ऑक्टोबर) सुरू होणार आहेत. दसरा-दिवाळीला होणारी गर्दी लक्षात घेऊन या दोन विशेष गाड्यांची घोषणा करण्यात आली आहे. नागपूर-मडगाव विशेष गाडी (01235/01236) नागपूरहून २३ आणि ३० ऑक्टोबर, तसेच ६ नोव्हेंबरला सायंकाळी चार वाजता सुटेल. ती दुसऱ्या दिवशी मडगावला सायंकाळी ४ वाजून ४० मिनिटांनी पोहोचेल. 

परतीच्या प्रवासात ही गाडी मडगावहून २४ आणि ३१ ऑक्टोबर तसेच ७ नोव्हेंबरला सायंकाळी ७ वाजून ४० मिनिटांनी सुटेल. ती नागपूरला दुसर्याा दिवशी रात्री साडेआठ वाजता पोहोचेल. वातानुकूलित, स्लीपर, सेकंड सिटिंग दर्जाच्या २२ डब्यांची ही गाडी पूर्णपणे आरक्षित असेल. ही गाडी वर्धा, बडनेरा, अकोला, भुसावळ नाशिक, इतगपुरी, कल्याण, पनवेल, रोहा, माणगाव, खेड, चिपळूण, संगमेश्ववर, रत्नागिरी, राजापूर, वैभववाडी, कणकवली, सिंधुदुर्ग, कुडाळ, सावंतवाडी, थिवी आणि करमळीला थांबेल. दुसरी गाडी

(01409/01410) पुणे-मडगाव मार्गावर २३ आणि ३० ऑक्टोबर तसेच ६ नोव्हेंबरला सायंकाळी पावणेसात वाजता सुटमार असून लोणावळा, पनवेल, रोहा, माणगाव, खेड, चिपळूण, संगमेश्वलर, रत्नागिरी, राजापूर, वैभववाडी, कणकवली, सिंधुदुर्ग, कुडाळ, सावंतवाडी, थिवी आणि करमळी स्थानकांवर थांबेल. ही गाडीही वातानुकूलित, स्लीपर, सेकंड सिटिंग दर्जाच्या २२ डब्यांची पूर्णपणे आरक्षित असेल. करोनाप्रतिबंधक नियमावलीचे पालन करून या गाड्या धावणार आहेत. परतीच्या प्रवासाला ही गाडी २४, ३० ऑक्टोबर आणि ७ नोव्हेंबरला सायंकाळी रवाना होईल.