तब्बल 7 महिन्यांनंतर आजपासून खुले होणार सिनेमा हॉल, तिकिट काढण्यापूर्वी जाणून घ्या नियम

 

अनलॉक -5 अंतर्गत कोरोना काळात सरकारच्या वतीनं अनेक सवलती लागू झाल्या आहेत. केंद्रीय गृह मंत्रालयाने जारी केलेल्या मार्गदर्शक सूचनांमध्ये आजपासून सिनेमा हॉल खुली करण्यात येणार आहेत.देशातील 10 राज्ये आणि 4 केंद्रशासित प्रदेशातील मल्टिप्लेक्स आजपासून उघडत आहेत. गुरुवारपासून चित्रपट 487 स्क्रीनवर दिसू लागतील. मात्र सिनेमा हॉलमधील पूर्वीच्या प्रेक्षकांच्या तुलनेत केवळ निम्मे प्रेक्षक चित्रपटाचा आनंद घेऊ शकतील. 

मंत्रालयाने सिनेमांना 50 टक्के क्षमतेसह सिनेमा हॉल खुली करण्याची परवानगी दिली आहे.सिनेमा हॉलमध्ये त्याच लोकांना परवानगी आहे ज्यांचे वय वर्ष6 पेक्षा जास्त आणि 60 पेक्षा कमी आहे. त्याशिवाय सिनेमा हॉलमध्ये प्रवेश करण्यासाठी आरोग्य सेतू अॅप असणे बंधनकारक आहे.सिनेमा हॉलमध्ये एका सीट सोडून प्रेक्षकांना बसवण्यात येणार आहे. 50 टक्के क्षमतेसह सिनेमा हॉल खुली केली जाणार आहेत.सिनेमा हॉलमध्ये प्रवेश करताना मास्क बंधनकारक आहे. तसेच सोशल डिस्टन्सिंग पाळणेही महत्त्वाचे आहे.

सिनेमा हॉलच्या आत व्हेंटिलेशनची योग्य व्यवस्था करणे आवश्यक आहे. एसीचे तापमान 23 अंशांपेक्षा जास्त ठेवावे लागेल. चित्रपट पाहताना कोणत्याही प्रकारची  पूर्ण बंदी असेल.तिकिट खरेदीची संपूर्ण प्रक्रिया ऑनलाईन होईल. आपल्याला काउंटरवर तिकिटे मिळू शकणार नाहीत.सिनेमा हॉलमधील एन्ट्री आणि एक्झिट गेट, लॉबी वेळोवेळी स्वच्छ केली जाईल आणि प्रत्येक शोनंतर सिनेमा हॉल साफ केला जाईलसर्व दर्शकांना सॅनिटायझर देण्याची जबाबदारी सिनेमा हॉल व्यवस्थापनाची असेल.